Slaan oor na hoofinhoud

Krismis Koek! #bakgat

Bakgat se maklike vrugtekoek resep. 
(spesiaal vir Kersfees)



Bestandele:

500g margarien
500ml / 2 koppies suiker
9 eiers
625g koekmeel
5ml bakpoeier
5ml nutmeg
7,5ml mixed spice
100g neute (ek gebruik gevlokte amandels, maar jy kan enige neute van jou keuse gebruik)
1,4kg baker’s mix (by bak winkels kry jy verskillende pakke: Net gemengde rosyne, rosyne met kersies of rosyne, kersies en neute) Jy kan weereens kies watter een jy wil gebruik.
250ml brandewyn (enige handelsnaam)

Hoe nou gemaak?
Klits die margarien en suiker saam tot sag en romerig.
Breek eiers een vir een by en klop deeglik voor volgende eier bygevoeg word.



Sif meel, nutmeg, mixed spice en bakpoeier by.



Voeg neute, vrugte en brandewyn by en meng goed.





Plaas in gesmeerde panne en bak vir ongeveer 1h30 by 140˚C. Ek gebruik 2 groot silikon ringpanne vir die hoeveelheid beslag, maar indien ek kleiner pannetjies gebruik, bak dit net ‘n bietjie korter tyd. (PS: Silikon panne hoef nie gesmeer of gespruit te word nie). 


Hou net dop vir wanneer die koeke heerlik bruin gebak is bo en die toetspen skoon uitkom wanneer jy toets of dit gaar is.



Die geheim van lekker vrugtekoek is dan dat jy vir ongeveer ‘n maand na die koek gebak is, elke week so 50ml brandewyn net weer oor die koek gooi en mooi seël in lugdigde houer. Na ‘n maand is daardie koek goed geweek en smul elke vrugtekoek pessimis met net soveel oorgawe!

Lekker resep deur Charmaine van #Bakgat
(Meer oor Charmaine)
Volg #NasieInspirasie
Facebook: NasieInspirasie/NationInspiration
Blog: www.nasieinspirasie.blogspot.com
Instagram: @nasieinspirasie
Twitter: @iskra

#NasieInspirasie se hart klop om sleepvoet-dromers te inspireer. Waardeer jou eie uniekheid, gebruik jou talente en natuurlike gawes. “‘n Klein vonk kan ‘n groot woud laat brand.”
#nasieinspirasie





Opmerkings

Plaas 'n opmerking

Gewilde plasings van hierdie blog

#Bakgat Gesondheidsbeskuit

My ouma het altyd gesê: “As jy kan lees, kan jy bak”. Ek het dit altyd geglo en wyd en syd verkondig, maar vandat ek self begin bak het vir ‘n lewe, het ek agtergekom dat jy meer leer met ondervinding as wat enige resep jou kan vertel. Soos ek dan nou hierdie resep met julle deel, deel ek dan ook my ondervinding, wat ‘n paar vrae dalk vir julle sal opklaar en natuurlik die mite dat beskuit moeilik is om te bak van die tafel afhaal. Bestandele: 1kg Bran Rich Self Raising Flour  (of gewone self raising flour as jy nie so baie van semels hou nie) 10ml Bakpoeier 10ml Sout 125ml Klapper 250ml Sonneblom sade 100ml Rosyne 50ml fyn gekapte neute van jou keuse 500ml All Bran Flakes  (goedkoper bran flakes ook goed, maar proe nie so lekker nie) 250ml Suiker (wit of bruin, maak nie saak nie) 500ml Oats (maak nie saak watter ‘brand’ nie) 500g Botter (gesmelt) 500ml Karringmelk Hierdie is die basis waarvan af ek werk. As ek nie bv. Oats of rosyne het nie, sal ek dit vervang met ...
Plaas 'n opmerking
Lees meer

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is! So klein dingetjie met soveel praat in sy kneuse...daardie klippie in die skoen. (Talk about rubbing me up the wrong way!) Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap... Ons veiligheid. Ons kinders se toekoms, gesondheid. Hoe gaan jy hierdie maand daardie rekening betaal? Jou huwelik of 'n vriendskap is dalk op 'n snaakse plek of selfs naby skipbreek? Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met '...
11 opmerkings
Lees meer

Vir Die Voëls - Premiere & Resensie

#NasieInspirasie was genooi deur Starburst Promotions na die Premiere van "Vir Die Voëls" - 'n Film wat gebasseer is op die ware verhaal van Irma Humpel en Sampie De Klerk  (Vertolk deur  Simoné Nortmann  en Francois Jacobs - Foto) Sou mens kyk na die diereryk en die natuur in geheel is daar beslis baie lewenswaarhede wat daaruit gering kan word. So word dit ook vertel in die nuwe film en impakvolle storie van Irma Humpel en Sampie De Klerk, se "Vir die Voëls . Huisgenoot het hulle 100ste bestaansjaar gevier, 'n kompetisie geloods en lesers genooi om hulle liefdesverhaal te deel. Huisgenoot vertel die wenner se storie op die silwerdoek met behulp van Kyknet en Factory Films. "Vir die Voëls" vertel die ware verhaal van Irma Humpel (Simoné Nortmann), ’n korrelkop-rabbedoe wat in ’n trourok voor die kansel beland langs die seun wat haar kleintyd onophoudelik geterg het. Tot kort tevore was haar kop op ’n blok dat onafhanklikheid die enigste vorm van ...
Plaas 'n opmerking
Lees meer