ADAM - Hugo Ludik

Ons gesels met Hugo Ludik van ADAM oor drome, sy 'pick-up-line' wat nie wou werk nie en hulle nuwe album, BEWE. 

1. Wat is die ‘cheesy-ste pick-up-line’ wat jy al gebruik het en het dit gewerk?

Ek het eendag op Hoërskool vir 'n meisie gevra of sy seer gekry het toe sy uit die Hemel geval het? Sy het gesê dit was nie seer nie. Ons het nooit weer gepraat nie. 

2. Suid-Afrika is so divers, sou julle graag in die toekoms Engelse liedjies/’n Engelse album vry wou stel vir wyer gehore?

Ons het al 'n Engelse album vrygestel in 2015 saam met ons goeie vriend, Daniel Baron. Maar ek glo ons sal graag weer 'n Engelse album wil vrystel wanneer die tyd reg is. 

3. Wat is die ‘weirdste’ ding wat ‘n aanhanger al vir jou gesê of gegee het?

"Jy lyk AFGRYSLIK met 'n baard” - ('n Tannie by KKNK)

4. Julle ontmoet baie verskillende mense en reis gereeld, wat sou jy sê neem ons as Suid Afrikaners vanselfsprekend?

Hoe mooi ons vrouens is en hoe lekker ons kos en drank is, in vergelyking met die res van die wêreld. 

5. Wat van julle nuwe album, BEWE, se kreatiewe proses staan vir jou uit en het jy die meeste geniet?

Ek geniet altyd die ‘vervaardigings’ en skryf deel die meeste. Met hierdie album het die twee vir my meestal gelyktydig geloop. Die gevoel, as dit wat jy in jou kop hoor dan so (of nog beter) uitkom, is ongelooflik. 


Foto: Starburst Promotions

6. By Nasie moedig ons, onself en ons lesers aan om te gebruik wat ons het, net waar ons is - anders gaan ons nooit begin om ons drome uit leef nie, leef jy jou droom uit en wat sou jou raad wees aan ‘n Sleepvoet-Dromer?

Ek lewe verseker my droom. Ek kan nie dink aan enigeiets anders wat ek sou wou doen tans nie. My raad sal wees: Daar is niks wat jy nie kan bereik nie, MITS jy verstaan dat elke droom het sy hoeveelheid harde werk, opofferings en klein bietjie geluk nodig om te kan verwerklik - vereenselwig jouself met dit, en moet dan nie ophou hard werk tot jy jou droom bereik het nie.

7. Enige nuwe dinge/toere/'merch' waarna aanhangers kan uitsien?

Ons nuwe CD, BEWE is tans vir my die belangrikste. Ek wil so graag hê almal moet dit ten minste net een keer luister :) So ons werk hard om ons musiek by die mense uit te kry. O ja, en ons verkoop ADAM kêps by ons shows - wat die mense baie van hou :)

8. Na jul ervaring met die ‘Sê My’ musiekvideo, watter style/skoonheids-tips het julle vir die dames?

As jy ooit wil hoë hakke drae, maak EERS seker jou enkels is so sterk soos boomstompe. 

As jy nog nie hulle  ‘Sê My’ musiekvideo gesien het nie, volg die skakel: https://youtu.be/Sl4PxjuRZ20

'n klein vonk kan 'n groot woud laat brand #nasieinspirasie