ANDERS

1. Baie Welkom by #Nasieinspirasie!

Wat inspireer julle om te doen wat julle doen?

Baie dankie!! Ons probeer fokus op als wat mooi is in die lewe. Liefde, ons mooi land, God en ons dogtertjie inspireer ons. Natuurlik is daar tye wat mens emosioneel is oor iets wat nie so lekker was nie en dan is dit ook lekker om uiting te gee aan jou emosies/gevoelens. Ons is mal oor wat ons doen en het al lank terug besluit dat ons eerder dit kies al het ons nooit altyd geweet hoe die toekoms lyk nie en of ons elke maand 'n vaste paycheck gaan kry om ons drome te volg nie. Ja daar is soms moeilike tye, maar ons stem na 8 jaar nog saam dat dit die beste besluit van ons lewens was!

2. Julle het onlangs ‘n nuwe lied vrygestel saam met HemelBesem. Vertel ons wat dit geinspireer het en hoe hierdie ervaring vir julle was?
Dit was ongelooflik. Hemelbesem is 'n meester wanneer dit kom by lirieke skryf en sy boodskap het presies ingepas by dit wat ons wou oordra. Die lied gaan oor die toestand waarin ons is op die oomblik in Suid-Afrika asook die wêreld. Baie van ons sê nie hoe ons regtig voel nie omdat ons bang is vir die backlash wat dit gaan bring. Dis waaroor die lied gaan. Jy het net een lewe. Staan op vir dit waarin jy glo, sê jou sê. Die groot ding op die ou einde is respek. Ons hoef nie almal saam te stem nie, maar ons MOET mekaar se opinies respekteer.

3. Ervaar julle dat julle in ‘n nuwe seisoen is en wat is die hoogtepunte sover?
DEFINITIEF! Ons het 15 maande terug ouers geword. Dit is beslis die grootste hoogtepunt van ons lewens sover. Ons vier ook vanjaar ons tiende huweliksherdenking wat natuurlik ook 'n groot mylpaal is (en ons is darem nogsteeds erg verlief)! Verder was die twee Ghoema toekennings (Beste album deur 'n duo/Groep van die jaar/ en Album van die jaar nominasie) vir ons laaste album #EkOnthou 'n groot verassing en klop op die skouer. Dis die eerste projek wat ons heeltemal by onsself aangepak het sonder 'n platemaatskappy of iemand groot in die industrie wat agter jou staan. Om onafhanklik te wees is nie speletjies nie en die toekennings het vir ons gewys dat dit gedoen kan word.

4. Wat sou julle vir ‘n Sleepvoet-Dromer sê wat nie sy eie waarde of gawes ‘n kans gee nie?

Daar gaan altyd iemand wees wat NIE van dit hou wat jy doen nie. Maak net vrede met die feit dat daar altyd IEMAND is wat wel daarvan gaan hou. Dis 'n moeilike industrie en jy mag dalk voel dat iets anders meer standvastigheid sal bring. Vat eerder die kans en op die regte tyd sal dinge gebeur! Wees eerlik met jouself oor dit wat jy aan kan werk en dit waarin jy klaar goed is. Kry die regte mense om mee saam te werk. In hierdie industrie kan jy dadelik kwaliteit hoor en ook ongelukkig die gebrek daaraan. Moenie net die resep volg van hoe afrikaanse musiek moet klink nie, kry JOU klank, JOU emosies oor, JOU stem! Moenie enige iemand probeer copy nie. Die wêreld wag dalk net vir iemand presies soos jy!

5. Watter ander dinge is julle oor passievol?

Ons is BAIE lief vir kos (dalk bietjie te veel). Wynand is mal daaroor om kos te maak. Van pork belly, tot Thai geregte, Jamie Oliver se crispy duck lasagne, Salmon met witwynsous, ag enigeiets lekker! Hy neem ook ongelooflike mooi fotos en hou daarvan om dit te doen in sy vrye tyd. Lindi kies om vir nou voltyds mamma vir Karmin te wees en skryf ook baie van Anders se liedjies wanneer sy voel inspirasie skop in. Sy was al aktrise en aanbieder en hoop om bietjie een van die dae by 'n lekker projek betrokke te raak.

6. Noem julle top 5 SUID AFRIKAANSE BANDS

of musikante wie julle inspireer

Karen Zoid ons gunsteling rocker chick!
Elvis blue (mooiste liedjies, great verhoog-persoonlikheid)
Riana Nel (mooiste stem)
Just Jinger (Ons het hulle al geluister toe ons tieners was)
Dan Patlanski (Wynand is 'n professionele session kitaarspeler,
so dit maak net sin)

7. ‘n Gunsteling Quote wat tans iets vir julle beteken?

"And let us not grow weary of doing good, for in due season we will reap, if we do not give up." Galatians 6:9