Slaan oor na hoofinhoud

Te veel

Positief en Negatief

Party sal sê te veel van 'n goeie ding is wonderlik, veral as dit by roomys kom, maar ons almal weet die teendeel is waar.

Te veel van selfs 'n goeie ding is nie goed vir jou nie.

Te veel son, te veel water, te veel kos, te veel suurstof, te veel soetgoed, te veel oefening, te veel werk, te veel speel, te veel stimulasie.

Soos 'n battery wat oorlaai word met energie. Te veel “positief” ?

Ons samelewing probeer elke dag so vol maak met inligting, aktiwiteite, selfs “memories”. Die gejaag na wind woed voort. En ek moet hier bylas ek geniet dit net so baie om baie gedoen te kry en moet ook noodgedwonge soms jaag. Maar dit is nie iets wat ons elke dag kan volhou nie.

Oorlaai van batterye is soos oorlaai van die kameel, pasop om sy rug te breek met daai laaste stukkie strooi.



Met 'too much input'...gaan jy 'short circuit'. 


Geen wonder ons is almal, grootmense en kinders, is so “wired but tired”.
Ons kan nie gereeld afskakel nie, ons staar grootoog en doodmoeg na die skerms so lank as wat ons kan uithou, tot ons uitpaas. Of is dit net ek?


Will


net


niks


mis


nie.


Ons mis uit op vrede. Ons mis rus. Die teenoorgestelde pool van opwinding. 
Die “negatiewe”?, die ontlaai.

Ons dink soms dat TV of Facebook ontspanning is, maar dit hou eintlik ons oë en brein so besig om alles te probeer inneem, wat nog van prosesseer. Dis dalk hoekom ons sukkel om te slaap?


Vat die goeie saam met die sleg.

Die bitter saam met die soet.

Maak tyd vir rus ook.

Rus is nie tydmors nie.

Hoe ontlaai jy?


Wat maak jy met die “energie” wat jy ingesit het?

Waar giet jy uit wat jy gekry het?

Sit net, droom net, wees net, bid net weer so bietjie en herstel jou batterye.

Geskryf deur Melissa Viljoen

'n klein vonk kan 'n groot woud laat brand #nasieinspirasie

Opmerkings

Plaas 'n opmerking

Gewilde plasings van hierdie blog

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is! So klein dingetjie met soveel praat in sy kneuse...daardie klippie in die skoen. (Talk about rubbing me up the wrong way!) Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap... Ons veiligheid. Ons kinders se toekoms, gesondheid. Hoe gaan jy hierdie maand daardie rekening betaal? Jou huwelik of 'n vriendskap is dalk op 'n snaakse plek of selfs naby skipbreek? Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met '
11 opmerkings
Lees meer

Vir Die Voëls - Premiere & Resensie

#NasieInspirasie was genooi deur Starburst Promotions na die Premiere van "Vir Die Voëls" - 'n Film wat gebasseer is op die ware verhaal van Irma Humpel en Sampie De Klerk  (Vertolk deur  Simoné Nortmann  en Francois Jacobs - Foto) Sou mens kyk na die diereryk en die natuur in geheel is daar beslis baie lewenswaarhede wat daaruit gering kan word. So word dit ook vertel in die nuwe film en impakvolle storie van Irma Humpel en Sampie De Klerk, se "Vir die Voëls . Huisgenoot het hulle 100ste bestaansjaar gevier, 'n kompetisie geloods en lesers genooi om hulle liefdesverhaal te deel. Huisgenoot vertel die wenner se storie op die silwerdoek met behulp van Kyknet en Factory Films. "Vir die Voëls" vertel die ware verhaal van Irma Humpel (Simoné Nortmann), ’n korrelkop-rabbedoe wat in ’n trourok voor die kansel beland langs die seun wat haar kleintyd onophoudelik geterg het. Tot kort tevore was haar kop op ’n blok dat onafhanklikheid die enigste vorm van
Plaas 'n opmerking
Lees meer

#Bakgat Gesondheidsbeskuit

My ouma het altyd gesê: “As jy kan lees, kan jy bak”. Ek het dit altyd geglo en wyd en syd verkondig, maar vandat ek self begin bak het vir ‘n lewe, het ek agtergekom dat jy meer leer met ondervinding as wat enige resep jou kan vertel. Soos ek dan nou hierdie resep met julle deel, deel ek dan ook my ondervinding, wat ‘n paar vrae dalk vir julle sal opklaar en natuurlik die mite dat beskuit moeilik is om te bak van die tafel afhaal. Bestandele: 1kg Bran Rich Self Raising Flour  (of gewone self raising flour as jy nie so baie van semels hou nie) 10ml Bakpoeier 10ml Sout 125ml Klapper 250ml Sonneblom sade 100ml Rosyne 50ml fyn gekapte neute van jou keuse 500ml All Bran Flakes  (goedkoper bran flakes ook goed, maar proe nie so lekker nie) 250ml Suiker (wit of bruin, maak nie saak nie) 500ml Oats (maak nie saak watter ‘brand’ nie) 500g Botter (gesmelt) 500ml Karringmelk Hierdie is die basis waarvan af ek werk. As ek nie bv. Oats of rosyne het nie, sal ek dit vervang met dieselfde
Plaas 'n opmerking
Lees meer