Op die 16de Mei 2019 is NasieInspirasie, ander media en gaste genooi na die bekendstelling van Jo Black, Albie Morkel en hul vennote se nuutste avontuur: 'The Ultimate Aim Sports Pavillion' in Montana, Pretoria. Derek Alberts en Janina Oberholzer het die welkom-werk gedoen en gaste tuis laat voel by hierdie spesiale aand en byeenkoms.
Albie Morkel het kortliks vertel hoe hy destyds soms maande lank van die huis af weg moes werk en hoe uiters moeilik dit was vir hom en sy gesin. Ultimate Aim se hartklop-gedagte is dus 'n bymekaarkom plek vir gesinne en families. 'n Plek waar almal welkom is van klein tot oud! Ultimate Aim is nog nie klaar nie, daar is nog idees in wording en Albie het ook genoem dat die ontwikkeling van jong kinders hulle na aan die hart lê.
Dit is 'n baie groot 'venue', daar is o.a karre, 'n gholfbaan (Simulation), 'n Gholf winkel, 'n visvang winkel en 'n 'archery' baan, 'n moontlike skietbaan word beoog vir die toekoms. Daar is speelplek vir kinders asook konferensie-en kantoor fasiliteite.
Jo Black sê dat hy al jare lank droom oor THE BEARDED BUTCHER, dis die restuarant en musiekteater by Ultimate Aim:
"7 Jaar terug toe staan ek in 'n enkelgarage, wat oop was, want daar was nie 'n kar nie... en ...ek dink my vrou is al so moeg vir my, want ek is 'n dromer. Ek's nie in 'n boks gebôre nie, ek kan nie in die boks dink nie... maar toe staan ek in daardie garage en ek sê vir haar ek gaan 'n Biltong besigheid begin en toe sê ek vir haar klaar; die naam gaan THE BEARDED BUTCHER wees en ons gaan geld maak uit vleis uit.... dit het toe nooit gebeur nie, maar daardie droom het nog altyd by my gebly en hy het groter geword, ek wou terugkom na dit toe en ook 'n plek maak waar kos koning kraai en waar musiek jou nommer een is en kyk waar staan ons vanaand...in THE BEARDED BUTCHER, dankie dat julle hier is...Wow..."
Debbie en Jo
"Die verhoog hier is ook 'n Droom...", sê Jo Black, hy self wat optredes daar sal doen asook ander kunstenaars nl. Spoegwolf, Riana Nel, Elvis Blue, Majozi, Rubber Duck en vele ander wat deur die jaar hier sal kom optree.
Die amptelike openingsaand van hierdie spesiale plek vind plaas op 31 Mei 2019
Inhoud & fotografie: Hubri Bruyn
geskryf deur iskra
NasieInspirasie: Hubri en Sunet Bruyn
NasieInspirasie: Hubri Bruyn
Aan al die joernaliste wat graag lief is om te vra: "Wie is Jo Black?"
Hier is die antwoord van nou tot in infinity (so julle hoef hom nie weer die vraag te vra nie...) JO BLACK is 'n *skirminkel van die Noord af, maar wat so bevoorreg is om mense in my lewe te hê, mense wat drie jaar terug in hierdie skirminkel iets gesien het, 'invest' het en dinge vir hom moontlik gemaak het, as dit nie was vir die 'amazing' span mense nie......Baie Dankie! - Jo Black
*Urban Dictionary, Skirminkel:
"A guy who brings frozen wors to a braai, an ends up eating your prime steak instead."
Opmerkings
Plaas 'n opmerking