Slaan oor na hoofinhoud

iskra


1. Naam en Van?
Riska Du Plessis, Skryfnaam: iskra

2. Wat is jou Werk?
Ek is 'n vrou vir my man en 'n ma vir my kinders. Ons woon in Danabaai, naby aan Mosselbaai en geniet die lewe en mense hier. Ek het NasieInspirasie amper 7 jaar terug begin onder my skryfnaam iskra. Dit is 'n russiese woord, bevat al die letters in my naam en beteken VONK. Nasieinspirasie se leuse is: " 'n klein vonk kan 'n groot woud laat brand." Gee net wat jy het, dit maak 'n verskil - jy is genoeg! Nasie is 'n plek waar ek van my kreatiwiteit uitleef en hopelik ander s'n aan die brand steek.

 Ek voer onderhoude op die blad, doen publiserings en baie van die grafiese werk en ontwerp van die gedrukte uitgawe. Ek is baie lief daarvoor om liedjies saam my man te skryf en te sing, ook om gedigte te lees en te skryf. Volg my gerus op my sosiale media platforms: geskryf deur iskra (Facebook & Instagram).

3. Waaroor is jy passievol?
Ek LEEF op liedjies en inspirerende stories. Ek is passievol oor mense en hulle stories. Die opbouende en bemoedigende...Wanneer dit my hart raak wil ek dit met almal om my deel met die hoop dat dit vir hulle ook iets sal beteken.
4.Hoe hoop jy om mense te inspireer?
Ek hoop om sleepvoet-dromers te inspireer terwyl hulle saam my "reis", "explore" deur die mense en dinge wat my inspireer. Ons almal is eintlik maar 'n sleepvoet-dromer wat so dan en wan inspirasie benodig. Daar is dalk net een mens daarbuite wat die inhoud lees. Vir daardie een wil ek graag herinner dat dit wat hy/sy dink min is, baie is vir iemand anders en 'n baie groot impak op iemand anders se lewe kan hê. Ek wil graag mense inspireer en help om hulle God-gegewe passies en drome te ontdek en uit te leef maak nie saak hoe oud hulle is nie. Dis nooit te laat nie.

  "Don't die with your music inside you." Wayne Dyer
'n klein vonk kan 'n groot woud laat brand #nasieinspirasie

Opmerkings

Plaas 'n opmerking

Gewilde plasings van hierdie blog

#Bakgat Gesondheidsbeskuit

My ouma het altyd gesê: “As jy kan lees, kan jy bak”. Ek het dit altyd geglo en wyd en syd verkondig, maar vandat ek self begin bak het vir ‘n lewe, het ek agtergekom dat jy meer leer met ondervinding as wat enige resep jou kan vertel. Soos ek dan nou hierdie resep met julle deel, deel ek dan ook my ondervinding, wat ‘n paar vrae dalk vir julle sal opklaar en natuurlik die mite dat beskuit moeilik is om te bak van die tafel afhaal. Bestandele: 1kg Bran Rich Self Raising Flour  (of gewone self raising flour as jy nie so baie van semels hou nie) 10ml Bakpoeier 10ml Sout 125ml Klapper 250ml Sonneblom sade 100ml Rosyne 50ml fyn gekapte neute van jou keuse 500ml All Bran Flakes  (goedkoper bran flakes ook goed, maar proe nie so lekker nie) 250ml Suiker (wit of bruin, maak nie saak nie) 500ml Oats (maak nie saak watter ‘brand’ nie) 500g Botter (gesmelt) 500ml Karringmelk Hierdie is die basis waarvan af ek werk. As ek nie bv. Oats of rosyne het nie, sal ek dit vervang met dieselfde
Plaas 'n opmerking
Lees meer

Vir Die Voëls - Premiere & Resensie

#NasieInspirasie was genooi deur Starburst Promotions na die Premiere van "Vir Die Voëls" - 'n Film wat gebasseer is op die ware verhaal van Irma Humpel en Sampie De Klerk  (Vertolk deur  Simoné Nortmann  en Francois Jacobs - Foto) Sou mens kyk na die diereryk en die natuur in geheel is daar beslis baie lewenswaarhede wat daaruit gering kan word. So word dit ook vertel in die nuwe film en impakvolle storie van Irma Humpel en Sampie De Klerk, se "Vir die Voëls . Huisgenoot het hulle 100ste bestaansjaar gevier, 'n kompetisie geloods en lesers genooi om hulle liefdesverhaal te deel. Huisgenoot vertel die wenner se storie op die silwerdoek met behulp van Kyknet en Factory Films. "Vir die Voëls" vertel die ware verhaal van Irma Humpel (Simoné Nortmann), ’n korrelkop-rabbedoe wat in ’n trourok voor die kansel beland langs die seun wat haar kleintyd onophoudelik geterg het. Tot kort tevore was haar kop op ’n blok dat onafhanklikheid die enigste vorm van
Plaas 'n opmerking
Lees meer

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is! So klein dingetjie met soveel praat in sy kneuse...daardie klippie in die skoen. (Talk about rubbing me up the wrong way!) Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap... Ons veiligheid. Ons kinders se toekoms, gesondheid. Hoe gaan jy hierdie maand daardie rekening betaal? Jou huwelik of 'n vriendskap is dalk op 'n snaakse plek of selfs naby skipbreek? Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met '
11 opmerkings
Lees meer