Die première was spoggerig met al die sterre wat oor die tapyt geflits het. Ons het kans gekry om met sommige van die karakters wat in die film verskyn te praat voor die fliek begin het. Ons deel later meer van hul inspirasie! Die dames het almal die ervaring as 'n baie uitdagende, maar positiewe rol bestempel. Dit was meer as net 'n film en elkeen het ook persoonlike groei saam huistoe gevat.
Die omgewing en aard van die film was die grootste uitdaging. Dit is 'n aksiebelaaide film met lekker lag en huil oomblikke. Hulle het natuurlik al hulle eie stunt werk gedoen. DonnaLee en Ivan se trots was soos die van 'n nuwe Ma en Pa.
Dit is hulle eerste film saam waar Ivan die regisseur stoel beklee het.
(Luister gerus ons potgooi onderhoud met hom deur die skakel te volg: STROOMOP POTGOOI SAAM IVAN BOTHA #nasiestasie)
Hulle liefde vir mekaar en opgewondenheid oor die doel van die fliek maak mens opgewonde oor hulle toekomsplanne. Hulle het elkeen wat gehelp het uit hulle harte bedank en mens kon aflei uit die bedankings dat die span soos 'n groot familie geword het.
Die kinematografie is op intenasionale standraad en die jare-lank-saamwerk was sigbaar. Die musiek het bygedra tot die spanning al dan nie. Daar was ook refleksie oomblikke wat die musiek mooi ondersteun het en 'n spesiale lied wat deur die fliek gevleg is en alles mooi saam gebind het.
Om stroomop te wees beteken om teen die grein te gaan, of anders te wees. Dis wat die fliek belowe het met sy naam en dis wat die fliek gelewer het. 'n Film wat verfrissend anders is. Die stroomop gees van die vrou is die een wat oorwin. Die een wat aanhou veg terwyl ander reeds opgegee het. Dit bly steeds 'n voelgoed fliek oor vroue, maar nie met tradisionele helde nie. Dit sal verseker by manne, net soveel as vroue, aanklank vind en is nie 'n tipiese fliek op enige vlak nie.
Die boodskap laat my dink
aan die 'quote' van Christopher Robin in Winnie the Pooh:
"You are braver than you believe, stronger than you seem, and smarter than you think."
Dit laat mens dieper dink, delf en besef dat ons meer kan oorkom as ons net sal besef ons is nie alleen nie. Ander trotseer ook hulle eie seer en ons kan mekaar aanhelp deur te erken ons sukkel soms. Die waarheid is bevrydend. As ons saamstaan in ons gebrokenheid kan ons meer vermag as om alleen jammer te voel vir onsself. Ons het mekaar nodig!
HIERDIE FLIEK BEGIN OP VROUEDAG,
so nooi jou wyfie-bende (en hulle mans)
om dit saam te geniet!!!
KYK die Lokprent hier:
STROOMOP LOKPRENT
deur Melissa Viljoen
Fotografie Lenetjie von Wielligh
'n klein vonk kan 'n groot woud laat brand
#nasieinspirasie
Opmerkings
Plaas 'n opmerking