Twee Grade van Moord - Die Resensie

Twee Grade van Moord - Die Resensie
Die lokprent skakel/video hier:
https://www.youtube.com/watch?v=r9tnjgZWjbI


'n Aangrypende film wat hedendaagse kontroversies aanspreek. Dit is 'n storie wat met die kyker se hart en motiverings praat.

Die groot vraag in die film;

"Wat Sou Die Liefde Nou Doen?"

is beslis 'n universele vraag waarmee enige een kan identifiseer...'n Vraag wat elkeen al, op sy manier, in hierdie lewe, moes beantwoord en steeds antwoord.

Twee Grade van Moord is 'n storie van 'n gesin wie se lewe in 'n oogwink verander nadat Marius Weyers se karakter, Ben, met 'n seldsame siekte gediagnoseer word en hoe elkeen dit verwerk op sy unieke wyse. Ben se groot lewens versoek, verder in die film, ontlont die groot vraag wat die "backdrop" van die film skep.

Daar is ook ander uitlopende stories en karakters; van 'n singende hond, gay seun, joernalis, rooikop pasiënt en haar musikant kêrel, wat die film staaf, inkleur en variase van perspektief gee.

Ben (Marius Weyers) se vrou, Aleksa (gespeel deur Sandra Prinsloo), se ervaringe skep die platform van die groot vraag (wat sou die liefde nou doen?) en algemene boodskap van die film.

Wat sou die liefde nou doen?

Myn insiens is dat hierdie vraag en die antwoord gesetel lê in elkeen se PERSEPSIE oor wat, of wie Liefde is en hoe Liefde lyk.
Ook om met integriteit te leef en dit wat jy sê, werklik te leef.

Dis 'n goeie herinnering aan my om nie iemand op die oog-af oor sy besluite te oordeel nie. Die lewe is nie net wit en swart nie. Liefde en Genade ontmoet ons NET daar waar ons is of iets nou "reg of verkeerd" is.
Ek het regtig baie van die beeldspraak gehou in die film met die duiwe en die kraaie. Dit het 'n snaar in my hart getrek.

Hierdie film, soos enige goeie kunswerk, lok en stimuleer debat, vrae en die uitdaging om persepsies te verander.
Die vrae wat in my rondmaal na-die-tyd is:

"...As Ben werklik lief was vir sy vrou, sou hy haar die opoffering nie wou spaar nie? Dis tog sy wat met die verlies en trauma moet saamleef na-die-tyd? Dit was die duur prys van haar opoffering..."

"Waarom het die storie van Moses, met sy hande ge-ondersteun in die lug, Ben so geinspireer, maar hy nie self wou arms lig toe dinge skeefloop nie? Het hy werklike of dieper ondersteuning gekort? Was die toets vir hom te groot, sy geloof sy hart verlaat...?

Ek dink mens kan maklik die film kyk en rustig saam alles stem wat gebeur. Dit voel amper asof jy daarnatoe gelei word deur die storie, maar dink dit is eerder 'n uitstekende geleentheid en wegspringplek vir gesels, debat en algemene bespreking van liefde, genade, mense se andersheid en verskillende persepsies.

Dit was 'n goeie en aangrypende film wat beslis ook 'n traan hier en daar laat val het.

As jy lus is vir 'n fliek wat bietjie die mens-gemaakte grense van afrikaanse stories/films oorskry en jou denkend laat na die tyd is Twee Grade van Moord 'n goeie keuse. Die akteurs was ook 'n groot bederf en het hul uitstekend van hul taak gekwyt!
(Film nie vir kinders gepas).



Onthou dat NasieInspirasie tans 'n kompetisie aan die gang het. Jy kan twee kaartjies na die rooitapyt Premiére van hierdie film wen asook 'n NasieInspirasie-sak.

Hoe skryf mens in??!

Comment op hierdie "post" en vertel ons waaroor jy passievol is. Jy kan ook 'n foto plaas van dit waaroor jy passievol is. Of stuur 'n epos na nasieinspirasie@gmail.com.
Kompetisie sluit 30 Junie. Die Wenner sal teen die 1ste Julie in kennis gestel word.


Volg die skakel vir meer info:
http://nasieinspirasie.blogspot.co.za/2016/06/kompetisie-tyd-op-nasieinspirasie.html?m=1



Nasie-groete,
iskra


X