Slaan oor na hoofinhoud

Lizandra Winter op Toer


“Hoop en Geloof in die onsienlike...
Winter leer ons die waarde van goeie vrugte dra...”

Dit is die lirieke waarmee Lizandra Winter haar vertoning open saam met haar man, Ryhno, op kitaar. Op die 20ste Desember het hulle kom kuier hier tydens Lizandra se toer by die pragtige Restaurant en Kuns Gallery, Seeplaas in Grootbrak en was ons baie opgewonde om dit by te kon woon.

Dis ‘n relatiewe klein gehoor wat ondersteun vanaand en ek kan nie help om terug te dink aan ‘n praatjie wat ek eentyds bygewoon het waar daar toe net 3 gaste opgedaag het nie... Nou ja, 3 of 3000 - die idee is om getrou te bly!

Die gehoor het hulle baie geniet en was ons beslis bederf met uitstekende vertolkings van eie skeppings asook bekende 'covers', waarvan Leonard Cohen se 'Hallelujah' en Bruce Springsteen se 'Dancing in the Dark', persoonlike gunstelinge was. 





Jy sal Lizandra Winter dalk ken na 'n optrede wat jy onlangs bygewoon het of na die bekendstelling van die treffende verwerking van Christa Steyn se liedjie : ‘Ek wil vir jou’, (‘n bevonkte duet saam met Joshua na die Reën). Dalk weet jy van haar deur haar liedjie: 'Fluister' wat ook die tema lied van die bekende afrikaanse film Vir Altyd is? 


Hoe dit ook al strek is Lizandra hoogs begaafd en trek sy inspirasie uit die waarheid, werklike stories, vriende en gebeurtenisse...kwessies waaroor sy baie sterk voel. Sy sing nie sommer net nie, maar gee en staan op met haar helder stem vir iets veel groter as net ‘n mooi liedjie vir die verhoog.

Tydens die optrede raak ek weggevoer deur haar stem en dink aan hoe baie van ons besig is om te wag. Ons wag vir iets groots om te gebeur voordat ons besluit om te begin gee en te begin lewe. Miskien wag ons vir ons skip om in te kom? Dalk wag ons vir toestemming of selfs net aanvaarding?... 


In werklikheid het ons reeds alles wat ons nodig het en is die vraag eerder hoe ons getrouheid daarmee gaan lyk... Ons gewag kan ons hele lewe opsluk sou ons dit toelaat. Dit val my meteens by dat Lizandra se hart en stem losgemaak is van daardie gedagte en dat sy reeds die tree begin gee het wat dit bevestig. Dit het my baie geraak.

'Trane-Dans' is 'n besonderse liedjie wat geïnspireer is deur Lizandra se vriendin, 'n passievolle danser wat haar been/ledemaat verloor het: ..."Gee oor aan hoop..." tref die liriek. 

Een baie spesiale liedjie is 'Afrika Grond' wat die luisteraar bemoedig om haat te begrawe. 

Ons begrawe soms mekaar in plaas van die haat tussen ons.

'n Liedjie wat nie tydens die optrede gesing was nie, maar wel op haar album (DIE BEGIN) te hoor is, is die liedjie 'Kleurblind'....  Sjoe, ek hou baie daarvan... en voel dat baie van ons nodig het om terug te kom na daardie hart toe. 'n Hart wat nie 'n ander op sy baadjie takseer nie en dat ons daarna sal streef om met nuwe oë na mekaar te kyk. 

Lizandra se werk is vol belofte en ek sien baie uit na al die mooi dinge wat die toekoms vir haar in sy palm hou. Dankie vir 'n besondere aand en dat julle ons saamgenooi het!!!

Volg gerus Lizandra Winter se facebook bladsy (https://www.facebook.com/lizandrawinter/) en bly op hoogte met haar toer/optredes. 

Redigering: Mary Quite Contrary

'n klein vonk kan 'n groot woud laat brand #nasieinspirasie


Opmerkings

Gewilde plasings van hierdie blog

Wie is Wenda Nel?

Dit was om die kampvuur wat ek Wenda Nel die eerste keer ontmoet het. ‘n Blonde kop wat so lekker gelag het dat die trane gerol het. Wat my egter die meeste opgeval het is hoe gemaklik sy in haar vel is. Hoe sy vir enige iemand ‘n glimlag het en hoe die warmte van haar hart deur haar oë en hele wese straal.


Kort daarna gewaar ek haar by die kerk waar sy die mense ewe gemaklik met koffie bedien. En ek kan nie help om te wonder of die mense ooit wéét wie sy is nie? Wat in daardie gespierde bene sit? Hoeveel wilskrag en ure se werk daarin gegaan het om die medaljes te verwerf wat sy so beskeie oor is.

In kort, Wenda het die 400m hekkies al in 54.37s afgelê. Wat haar nie net tans die beste in haar item maak in Suid-Afrika nie, maar al talle medaljes op die wêreld arena verwerf het. Ek het my kans geneem om by haar te gaan aanklop en so bietjie in die hitte van haar hart te gaan kuier.

1. Vertel ons lesers asseblief meer van jouself. Wie is Wenda wanneer sy nie op die atletiek baan…

Joshua Na Die Reën & Liani Reynolds

    Liani Reynolds en Jacques van Joshua na die Reën

Joshua Na Die Reën het al ‘n huishoudelike naam geword in Suid Afrika en almal wat sy musiek hoor is gaande daaroor. Vir die rede was Affies Seunsskool, in Pretoria, se saal vol gepak met afwagting op sy nuutste album. Almal het uitgesien na sy gevoelvolle stem wat gemaklik hoog en dan weer laag deur jou hart sny met sy sielvolle lirieke. Jy kan sy musiek voel en jou hart kan dit verstaan. Ek dink dis hoekom so baie mense sy musiek geniet. Ons, ek en Lenetjie, was ook baie opgewonde om Liani Reynolds se album te beleef, veral vir dié wat haar unieke diep stem gehoor het op die Lugballon enkelsnit van Musiek soos Grond. Laat ek vir jou ‘n prentjie skets van die heerlike aand sodat jy kan voel asof jy ook daar was. Ek deel graag met julle my belewenis.


Voor die konsert het ons vinnig ‘n paar fotos geneem en geselsies aangeknoop met sangers, radio omroepers en Jacques se ma wat op kort kennis kaartjies verkoop het.


Melissa (NasieInspira…

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is!

So klein dingetjie met soveel praat in sy kneuse...daardie klippie in die skoen.
(Talk about rubbing me up the wrong way!)

Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap...

Ons veiligheid.
Ons kinders se toekoms, gesondheid. Hoe gaan jy hierdie maand daardie rekening betaal?
Jou huwelik of 'n vriendskap is dalk op 'n snaakse plek of selfs naby skipbreek?

Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met 'n ander o…