Slaan oor na hoofinhoud

Liefde is Tuis - YOU ARE WHAT YOU EAT - deur Melissa Viljoen




Niemand maak kos soos my ma….

Soos ek staan voor die stoof, soos elke aand, met ‘n meisiekind wat agter my rug spaghetti gaps wat in die vergietis lê, nes ek toe ek klein was, begin ek dink… Ek dink oor hoe jou eetgewoontes, onder baie andere, verander van bly in die huis ,na jongeling student, na jonk getroud, na kids in die huis, en dan seker ook weer koekies en tee soos baie oumense.

Ons het ‘n tradisie… maandagaande is spaghetti aand. Dit was so toe ek in my ouerhuis gebly het en ek, die oudste, het die tradisie voortgesit in my huis. My man, wat ook hou van roetine èn spaghetti, raak krapperig as ek die menu vir ‘n maandag verander. My laatlam boetie, wat nounet verloof is,
het nie hierdie spesiale gevoel oor die tradisie nie. Hy is al moeg geëet aan spaghetti, soos my pa dit maak (jammer pa, ek geniet dit steeds!) en droom van groener weivelde. Boetie, wat nog in die huis bly, dink dalk hulle gaan elke aand ‘n gourmet-spesiale-iets anders maak as pasgetroudes, maar wanneer mens nog nesskrop het jy nie altyd geldjies vir sulke luuksheid nie.

Ek het die tradisie eerstens oorgeneem in my pasgetroude huisie omdat dit vir my laat terugverlang het huistoe. My eerste poging was nie so lekker so my ma s'n of heeltemal gaar nie, maar ek het darem verbeter oor die jare. Met kindertjies se fiemies en veranderende voorkeure is ek dankbaar dat my kinders nog, op die oomblik my spaghetti geniet en vra daarvoor. Ek voel ek maak dit terwyl hulle dit eet, ten minste eet hulle ièts, want party ouderdomme oorleef hulle mos op marmite broodjies en tee… En dan hoef ek nie elke dag so hard te dink oor wat om vanaand te maak vir ete nie…

Ek onthou hoe my ma, ook soms moeg vir spaghetti, toe ons klein was probeer het om ander heerlike disse te maak en ons soms, oor ons fiemies, maar brood geeet het vir aandete. Sy het probeer om maandagaand soufflé aand te maak, dan het sy lekker kaas soufflé gemaak met slaai. Dit klink nou vir my lekker, en ek weet nou hoe baie moeite dit was, maar destyds het ek gekla vir spaghetti!

Kosmaak is maar net een van die dinge wat mense bc (before kids) nie altyd (kàn) verstaan nie. My boetatjie het my ook herinner aan ‘n videotjie wat baie
gepas is … (Michael mccintyre – people without kids have no idea) Lekker gelag. Noudat hulle troue beplan en dink aan die toekoms het hulle op die videotjie afgekom, 'n seisoen waardeur ek nou al gegaan het.

Hopelik hou my gesin nog lank van spaghetti en laat my kos hulle later kies om by die huis te kom eet, want niks is lekkerder as ‘n bord van ma se kos nie.

Opmerkings

Gewilde plasings van hierdie blog

Mike Maeshiro

Mike is from Redding, California. Because of his inspirational quotes, we voted Mike NR 1 on our Top 10 list of folks to follow on Instagram. If you're hungry for truth and frustrated with fluffy-facebook riddles and rhymes, this is the guy to follow.
1. What inspires you?
Firstly, Jesus is a big inspiration for me. I met Him when I was 18. He changed my life. Reality shifted when that happened. We each carry a unique aspect of God, we are His expression. So I want to help people release who He is as them. He's locked up in each one of us and I have declared war on conformity, pretending, manipulation, self-hatred, rejections, fear, ignorance and deception because these keep the light hidden.

My other answer would be pain. The pain I've experienced in my life, I have a strong desire to help other people heal from and overcome the things that have stolen from them and kept them small. I hope my journey can lift their eyes and help them find the way out of their own darkness.


2.…

THE ROAR

Dis lanklaas wat 'n fliek my so opgewonde gehad het dat ek my man wil afvlieg om die uitsending in George te gaan kyk. Die fliek waarvan ek praat is THE ROAR, 'n Frans Cronjé film, wat ek onlangs in Pretoria met die vertoning daar gaan kyk het vir resensie doeleindes. Die film stem so wonderlik ooreen met Nasie se leuse en hartklop...
Die hele fliek gaan daaroor om uit te vind wat jou lewensdoel is, dit raak te sien en om dit te bereik. Spreker, Gustav Gous was ook daar gewees. Hy praat gereeld oor lewensdoel en sy insprake was vir my baie spesiaal gewees. Hy het gesê mense dink hulle het net een doel, maar ons het eintlik ten minste 9 doele wat God vir ons elkeen uniek gemaak/gegee het. Dit was vir my 'n baie lekker ervaring en veral om te sien hoe opgewonde Frans Cronjé is oor hierdie film!
The Roar vorm deel van 3 verskillende films onder die Purpose Campaign. 6 Below wys reeds by lokette, The Roar en Victor is die ander twee en word die 2de Maart en die 13de April bekend…

Hennie Meyer Ceramics

Hennie Meyer is 'n keramiek kunstenaar van Kaapstad. Sy klei-kunswerke wek kalmte, nuuskierigheid en bewondering. 


1.Wanneer het jy jou passie om met klei/keramiek as medium te werk ontdek?
Ek is die jaar na matriek as Rotariër uitruilstudent na Australië. Dit was in 1984. Die skool in Australië het geweier om op daardie stadium ’n “wit” Suid Afrikaner in die skool in te neem. Die enigste tersiëre instansie wat bereid was om my te onderrig was die plaaslike technikon en ook net die kunsdepartement! So ek was baie gelukkig om heeltemal toevallig vir ’n jaar lank ’n diploma in keramiek te kon doen. Die medium het my perfek gepas. Ek het teruggekom en kunsonderwys op Stellenbosch studeer. Op Stellenbosch was ’n wonderlike dosent in keramiek, David Steele, wat my liefde vir klei verder aangemoedig en ontwikkel het.

2. Wat inspireer meeste van jou werk?

Die klei self is die sterkste inspirasie. Klei is ’n wonderlike medium. Wanneer ek met die klei werk is ek baie bewus van die proses. Hie…