Slaan oor na hoofinhoud

Lizandra Winter



Nasieinspirasie het die bekendstelling van Lizandra Winter se debuut album bygewoon. Melissa het vonke volheid van Lizandra in paragrawe probeer vasvang, haar liedjies en die tydlose stories daaragter.


Die eerste keer wat ek Lizandra Winter gesien het was by 'n Joshua na die Reën vertoning by dieselfde teater, die Encore Teater, met 'n Woestyn-tee boekbekendstelling deur Manna Tydskrif. Sy het my daardie dag al oopmond verstom gelaat met haar talent. Toe sy by 
STELLA se album bekendstelling my nooi na haar bekendstelling toe, kon ek nie wag om te gaan nie! Marouise, 'n vriendin van Lizandra, verwelkom almal baie vriendelik. Sy het haar baie goed van haar taak gekwyt as MC en stel Joshua na die Reën bekend deur te sê "die land se 'cherry on top' open die konsert..."

Tussendeur sy gevoelvolle liedjies, wat nou al genotvolle ou bekendes vir my is, vertel hy hoe hy en Lizandra ontmoet het. Hy beskryf dit as 'n lukraak gebeurtenis, toe hulle by TUT saam Jazz geswot het. Hulle het "common ground" gevind toe hy hoor 'n meisie luister Jason Upton in haar kar. Volgens Jacques, van Joshua na die Reën, het hy geweet dat hulle 'n pad saam gaan stap, iets het daardie dag in sy hart geval... Lizandra stap op die vol en intieme verhoog en almal in die teater word tjoepstil. Dan begin sy sing en blaas ons almal weg met haar treffende stem!

Sy deel die verhoog met ander kunstenaars; 2 klaviere, dromme, 2 kitare, bass, viool, tjello ...drie sing backing vocals. Dis 'n formidabele, talentvolle nege-stuk orkes, wat haar ondersteun.

Sy sing tot diep in jou siel met haar klokhelder stem

...die eerste lied, Geraas. Sy vertel Winter is nie haar van nie. Sy is lief vir Winter. Dit laat mens dink aan die ongemaklike tye van die lewe. Almal kies Lente of Somer as gunstelinge. Sy gee die rede vir haar liefde vir Winter:
'n Bybel versie..."What you sow does not come to life unless it dies." 1 Corinth. 15:36
As die saad nie sterf nie... en sing dan "Winter Kom"

Sy sing 'n liedjie, opgedra aan Adriana, 'n vriendin, die lied se naam is Fluister. Lizandra het haar in moeilike tye bemoedig met liedjiies. Fluister is die liedjie wat ook die loket-rekords gebreek het en wat in die film "Vir Altyd" gespeel het. Die storie agter die liedjie, "Die Begin", treeek aan my hartsnare, want sy vertel hoe sy haar dogtertjie bad en dink oor alles wat môre moet gebeur. Sy voel sy mis die oomblik en dink, "ek wil nie leef vir eendag, ek wil leef vir nou, ek wil die oomblik vasgevang hou". Hierdie lirieke en boodskap weergalm deur my hart.

Die woorde "Ons is so bang om stil te wees" het my ook laat dink...

Dan bederf die orkes en Lizandra ons met 'n kort-kennis, in-die-oomblik-liedjie, propvol harmonieë, geinspireer deur die serrie meisies wat sy afrig. Die volgende liedjie is ongelukkig nie op die cd nie. Sy vertel van Bruce Springsteen se "Dancing in the Dark" waarop sy altyd net "jive" en nie altyd woorde luister nie. Die woorde vertel van die maskers wat ons dra. Sy vertel wat dit vir haar beteken...

"Jy kan nie vuur aansteek as jy in die spieël kyk en als wil verander van jouself nie" Die woorde in die liedjie "Can't start a fire without a spark", pas ook so mooi by Nasieinspirasie se motto, " 'n klein vonk kan 'n groot woud laat brand."

Sy maak die lied haar eie met 'n gevoelvolle, stadige Jazz weergawe. Lizandra is (in haar eie woorde) "erg oor diskriminasie", veral rassisme, en wou 'n liedjie daaroor skryf. Sy vertel grapperig dat Jacques van Joshua na die Reën, haar gehelp skaaf het aan die woorde sodat die liedjie nie sal 'offend' nie, maar dat haar passie oor die saak duidelik sal wees. Die liedjie se naam is Kleurblind.
Nog een van haar vriendinne het aan die begin van haar roete in die industrie (waar mense jou hart soms kan misverstaan) vir haar gesê "Ek sal altyd my oog op jou hou, jou sien vir wie jy is." Die liedjie se naam is, "Jy sien my".


Sy sing, die een na die ander, krag-belaaide ballades...

Later sing sy 'n liedjie wat sy vir haar dogtertjie geskryf het toe hulle haar verwag het, die pragtige "Liefde vir 'n kind..."
Lizandra het die liedjie van Christa Steyn "Ek wil vir Jou" verwerk saam Jacques. Puik weergawe! Sy vertel van 'n 3-jaar-pad saam Joshua na die Reën, waar Jacques so selfloos gereeld vir haar vra, "Wanneer is dit jou beurt?" Sy voel hy het 'n "Nuwe Wave" begin in die industrie wat son oor ander laat skyn met sy onselfsugtigheid en opregtheid. Sy en Jacques speel dan lekker rond met 'n paar liedjies en daag mekaar uit; die Jazz-hoogtes in.

Sy vertel liedjies is soos babatjies, verwerk en vervaardig, bemeester, vrygestel. Die lied, "Bekende Vreemdeling", verduidelik sy, "dit gebeur baie met my dat ek voel ek ken iemand reeds jare, al is dit ons eerste ontmoeting". Die volgende liedjie is 'n "Gesprek tussen my en myself" sê sy, " ons kan nie ander liefhê en nie onsself nie". Dis die "Naakste liedjie op die album", sy naam is...Sielsvryheid. Sy sluit die vertoning af deur almal te bedank, eerste haar man en dan sing sy "Liefde Wen" en "Afrika Grond."

Dis so spesiaal dat baie van haar liedjies deur vriendinne geinspireer is, ander weer haar dogtertjie en dinge waaroor sy passievol is. 


Dinge wat die hart van vol is....
Ek sien baie uit om te sien wat Lizandra in die toekoms gaan doen.

Lizandra Winter FACEBOOK - INSTAGRAM - TWITTER

geskryf deur Melissa Viljoen


Lizandra Winter en Melissa Viljoen


Volg #NasieInspirasie


Instagram: @iskra_music
Twitter: @iskra

#NasieInspirasie se hart klop om sleepvoet-dromers te inspireer. Waardeer jou eie uniekheid, gebruik jou talente en natuurlike gawes. “‘n Klein vonk kan ‘n groot woud laat brand.”
#nasieinspirasie

Opmerkings

Gewilde plasings van hierdie blog

Wie is Wenda Nel?

Dit was om die kampvuur wat ek Wenda Nel die eerste keer ontmoet het. ‘n Blonde kop wat so lekker gelag het dat die trane gerol het. Wat my egter die meeste opgeval het is hoe gemaklik sy in haar vel is. Hoe sy vir enige iemand ‘n glimlag het en hoe die warmte van haar hart deur haar oë en hele wese straal.


Kort daarna gewaar ek haar by die kerk waar sy die mense ewe gemaklik met koffie bedien. En ek kan nie help om te wonder of die mense ooit wéét wie sy is nie? Wat in daardie gespierde bene sit? Hoeveel wilskrag en ure se werk daarin gegaan het om die medaljes te verwerf wat sy so beskeie oor is.

In kort, Wenda het die 400m hekkies al in 54.37s afgelê. Wat haar nie net tans die beste in haar item maak in Suid-Afrika nie, maar al talle medaljes op die wêreld arena verwerf het. Ek het my kans geneem om by haar te gaan aanklop en so bietjie in die hitte van haar hart te gaan kuier.

1. Vertel ons lesers asseblief meer van jouself. Wie is Wenda wanneer sy nie op die atletiek baan…

Joshua Na Die Reën & Liani Reynolds

    Liani Reynolds en Jacques van Joshua na die Reën

Joshua Na Die Reën het al ‘n huishoudelike naam geword in Suid Afrika en almal wat sy musiek hoor is gaande daaroor. Vir die rede was Affies Seunsskool, in Pretoria, se saal vol gepak met afwagting op sy nuutste album. Almal het uitgesien na sy gevoelvolle stem wat gemaklik hoog en dan weer laag deur jou hart sny met sy sielvolle lirieke. Jy kan sy musiek voel en jou hart kan dit verstaan. Ek dink dis hoekom so baie mense sy musiek geniet. Ons, ek en Lenetjie, was ook baie opgewonde om Liani Reynolds se album te beleef, veral vir dié wat haar unieke diep stem gehoor het op die Lugballon enkelsnit van Musiek soos Grond. Laat ek vir jou ‘n prentjie skets van die heerlike aand sodat jy kan voel asof jy ook daar was. Ek deel graag met julle my belewenis.


Voor die konsert het ons vinnig ‘n paar fotos geneem en geselsies aangeknoop met sangers, radio omroepers en Jacques se ma wat op kort kennis kaartjies verkoop het.


Melissa (NasieInspira…

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is!

So klein dingetjie met soveel praat in sy kneuse...daardie klippie in die skoen.
(Talk about rubbing me up the wrong way!)

Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap...

Ons veiligheid.
Ons kinders se toekoms, gesondheid. Hoe gaan jy hierdie maand daardie rekening betaal?
Jou huwelik of 'n vriendskap is dalk op 'n snaakse plek of selfs naby skipbreek?

Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met 'n ander o…