Slaan oor na hoofinhoud

Stroomop - Onderhoud met die Skrywer



Adeline Radloff is 'n passievolle skrywer wat fokus op tiener-fiksie. Haar boeke, 'Sidekick' en 'Chain Reaction' is albei boeke wat sterk tiener kwessies aanpak. Sy was genader om die Stroomop-draaiboek in 'n boek te verander. NasieInspirasie het gaan inloer by die boek bekendstelling en kon bietjie tyd met haar spandeer.

foto: Links: DonnaLee Roberts en Charmaine Hurter, Onder: Charmaine Hurter en Adeline Radloff.

1. Dit is baie vreemd om te hoor dat 'n draaiboek eerste geskryf word en daarna volg die boek. Gewoonlik is dit andersom. Wat was jou uitdagings om dit só om te doen?


Dit was baie moeilik. In die draaiboek sal daar kort paragrawe wees om byvoorbeeld 'n vertrek te beskryf en jy moet dit 'n storie maak. Dit is soos om die draaiboek te gaan inkleur. Ek het nie geweet hoe lyk die karakters nie of wat hulle aanhet nie en natuurlik het ek probeer so na aan die film bly as moontlik, terwyl hulle nog aan die film geskiet het.

2. Wat karakters aanbetref, was die akteurs al gekies toe jy die boek begin het?
Nie almal nie en omdat ek hulle nie geken het nie, weet ek nie watter tipe mannerismes hulle in die film gaan uitbeeld nie. Maar die karakters was ongelooflik goed geskets in die draaiboek. Ek kon so bietjie van myself en van my vriende in hulle vind. Dus het ek in hul koppe ingeklim en van daar af hulle karakters ontwikkel.

3. Sal jy dit oorweeg om eendag dit andersom te doen? 'n Draaiboek te skryf vanaf 'n boek?
Dit was juis een van my redes hoekom ek die storie wou skryf. Ek wou leer hoe dit werk om 'n draaiboek te skryf en ek dink ek het nogal. Ek sal baie graag 'n draaiboek wil skryf.


4. Met die vrystelling van die film, dink jy mense sal nog graag die boek wil lees?
Die regisseurs wou juis die boek uitbring voor die film om die film so bietjie te 'boost'. My opinie is dat daar wel lesers is wat sal verkies om eers die boek te lees, sodat jy vir jouself die storie kan inkleur. Daar is soveel meer 'detail' in die boek, wat die film nie tyd voor gehad het nie en dit is wat baie mense nog soek. Ook dat die lesers hulle eie idees rondom die karakters kan kry voor hulle Ivan Botha se vertolking van die karakters ontmoet.

5. Waarna kan ons uitsien in die toekoms?
Een van die sterk tiener kwessies wat ek nog graag wil aanpak is die invloed van sosiale media op veral tienermeisies. So, al wat ek kan sê is, 'watch this space'!

Onderhoud deur Charmaine Hurter

'n klein vonk kan 'n groot woud laat brand
#nasieinspirasie

Opmerkings

Gewilde plasings van hierdie blog

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is! So klein dingetjie met soveel praat in sy kneuse...daardie klippie in die skoen. (Talk about rubbing me up the wrong way!) Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap... Ons veiligheid. Ons kinders se toekoms, gesondheid. Hoe gaan jy hierdie maand daardie rekening betaal? Jou huwelik of 'n vriendskap is dalk op 'n snaakse plek of selfs naby skipbreek? Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met '

Vir Die Voëls - Premiere & Resensie

#NasieInspirasie was genooi deur Starburst Promotions na die Premiere van "Vir Die Voëls" - 'n Film wat gebasseer is op die ware verhaal van Irma Humpel en Sampie De Klerk  (Vertolk deur  Simoné Nortmann  en Francois Jacobs - Foto) Sou mens kyk na die diereryk en die natuur in geheel is daar beslis baie lewenswaarhede wat daaruit gering kan word. So word dit ook vertel in die nuwe film en impakvolle storie van Irma Humpel en Sampie De Klerk, se "Vir die Voëls . Huisgenoot het hulle 100ste bestaansjaar gevier, 'n kompetisie geloods en lesers genooi om hulle liefdesverhaal te deel. Huisgenoot vertel die wenner se storie op die silwerdoek met behulp van Kyknet en Factory Films. "Vir die Voëls" vertel die ware verhaal van Irma Humpel (Simoné Nortmann), ’n korrelkop-rabbedoe wat in ’n trourok voor die kansel beland langs die seun wat haar kleintyd onophoudelik geterg het. Tot kort tevore was haar kop op ’n blok dat onafhanklikheid die enigste vorm van

#Bakgat Gesondheidsbeskuit

My ouma het altyd gesê: “As jy kan lees, kan jy bak”. Ek het dit altyd geglo en wyd en syd verkondig, maar vandat ek self begin bak het vir ‘n lewe, het ek agtergekom dat jy meer leer met ondervinding as wat enige resep jou kan vertel. Soos ek dan nou hierdie resep met julle deel, deel ek dan ook my ondervinding, wat ‘n paar vrae dalk vir julle sal opklaar en natuurlik die mite dat beskuit moeilik is om te bak van die tafel afhaal. Bestandele: 1kg Bran Rich Self Raising Flour  (of gewone self raising flour as jy nie so baie van semels hou nie) 10ml Bakpoeier 10ml Sout 125ml Klapper 250ml Sonneblom sade 100ml Rosyne 50ml fyn gekapte neute van jou keuse 500ml All Bran Flakes  (goedkoper bran flakes ook goed, maar proe nie so lekker nie) 250ml Suiker (wit of bruin, maak nie saak nie) 500ml Oats (maak nie saak watter ‘brand’ nie) 500g Botter (gesmelt) 500ml Karringmelk Hierdie is die basis waarvan af ek werk. As ek nie bv. Oats of rosyne het nie, sal ek dit vervang met dieselfde