Slaan oor na hoofinhoud

Naomi se Storie



“If you haven’t lost you have not lived…” – Die Lewendige Risikos
 
Hierdie frase kom in my gedagtes vanoggend. Ek het gewonder oor die feilbaarheid van die mens. Ons raak so geheg en lief vir mekaar en dan moet ons mekaar op ‘n stadium afstaan…nie omdat iemand getrek het of in ‘n ander land gaan woon het nie, maar ons staan mekaar af aan die dood. Daardie onbekende, laaste hoofstuk in die groot  boek van Lewe, maar ook een wat ons almal ‘n beurt gaan kry om te lees…
 
Ontmoet Naomi. Naomi Britz. Soos ons Bybelse Naomi, ken sy verlies.
Dit wag haar in elke dag.
 
Ek het Naomi ontmoet by ‘n vroue-tee/40ste verjaardag viering van ‘n ander spesiale vriendin.
Dis daardie soort tee’s waar ons dames saamkom, “real” raak, bietjie “soppie en seeperig”….
Ons huil, lag, deel harte en eet natuurlik om dit alles mooi af te rond... :)
 
Naomi beteken “pleasant”, “delightful”… Dis een van daardie vriendinne wat soos die versiersuiker is op ‘n droë, lewelose kolwyntjie. Dit is hoe ek haar ervaar het.
Naomi se "vonk" of passie is 'n kombinasie van kreatiwiteit en kinders!
(sy print en ontwerp oulike goedjies vir kinders, gaan loer gerus op haar besigheid se FB bladsy)

Naomi het my haar storie van verlies vertel. Daardie een wat elke dogter inwag…en dit is om ‘n mamma af te staan aan die dood. ‘n Ma en ‘n dogter, deel nie net geslag nie, maar geslagte! Diep beginsels van verhouding, lewenswyshede en wedersydse ondersteuning word binne-in so verhouding ingebou. Dit leef voort verewig! Van Geslag to Geslag! Sy verloor nie net ‘n Ma nie, maar ‘n mentor. Iemand wat haar vooruit geloop het, die dorings en kraters in die pad gesien het, en haar ingelig, en opgelei het om die pad met liefde se wysheid te loop. Daar is eintlik nie woorde of paragraaf om die diepte en dinamika van so ‘n verhouding in te ryg nie.
 
Ek vra toe: “Naomi watter Verse/Woord het jou tot dusver gehelp/regop gehou in moeilike tye?”
.. dit is tog ‘n leemte wat sy elke dag sien en ervaar…
Woord:

 


 
“ ‘n sterk ondersteuinings netwerk van mense is ook wat jy benodig wanneer jy so pad stap.
Sluit by ‘n kerk of bedieningsgroep aan. Moet nie hierdie pad alleen aandurf nie.”
 
Naomi het ‘n printing winkel in Doornpoort besit, Amadot, maar het ‘n nuwe besigheid later begin, saam met haar ma, "Printed by US", in Pretoria Noord.  Ondersteun gerus hierdie onderneming! Veral haar oulike, persoonlike, t-hempies en baba kleertjies! Volg die skakel na haar Facebook Bladsy:

Opmerkings

  1. Dankie vir die deel van 'n diep seer. Jy is 'n inspirasie vir baie vroue.

    AntwoordVee uit

Plaas 'n opmerking

Gewilde plasings van hierdie blog

Joshua Na Die Reën & Liani Reynolds

    Liani Reynolds en Jacques van Joshua na die Reën

Joshua Na Die Reën het al ‘n huishoudelike naam geword in Suid Afrika en almal wat sy musiek hoor is gaande daaroor. Vir die rede was Affies Seunsskool, in Pretoria, se saal vol gepak met afwagting op sy nuutste album. Almal het uitgesien na sy gevoelvolle stem wat gemaklik hoog en dan weer laag deur jou hart sny met sy sielvolle lirieke. Jy kan sy musiek voel en jou hart kan dit verstaan. Ek dink dis hoekom so baie mense sy musiek geniet. Ons, ek en Lenetjie, was ook baie opgewonde om Liani Reynolds se album te beleef, veral vir dié wat haar unieke diep stem gehoor het op die Lugballon enkelsnit van Musiek soos Grond. Laat ek vir jou ‘n prentjie skets van die heerlike aand sodat jy kan voel asof jy ook daar was. Ek deel graag met julle my belewenis.


Voor die konsert het ons vinnig ‘n paar fotos geneem en geselsies aangeknoop met sangers, radio omroepers en Jacques se ma wat op kort kennis kaartjies verkoop het.


Melissa (NasieInspira…

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is!

So klein dingetjie met soveel praat in sy kneuse...daardie klippie in die skoen.
(Talk about rubbing me up the wrong way!)

Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap...

Ons veiligheid.
Ons kinders se toekoms, gesondheid. Hoe gaan jy hierdie maand daardie rekening betaal?
Jou huwelik of 'n vriendskap is dalk op 'n snaakse plek of selfs naby skipbreek?

Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met 'n ander o…

Noem My Skollie - Die Resensie

#NasieInspirasie
Fliekresensie: Noem My Skollie




Duur: 2.5 ure

Skrywer: John W. Fredericks

Regie: Daryne Joshua

Vervaardiger: David Max Brown

Klankbaan: Kyle Shepherd
(Geskik vir kykers vanaf 18jaar)

Kyk, dis die eerste fliek wat my binne my sitplek in die teater laat voel het ek is verseker nié veilig nie. Noem My Skollie is hard en onverskrokke, maar baie eg tot die werklikheid. Die feit dat die film gebaseer is op John W. Fredericks (die skrywer) se lewensverhaal, maak dit net meer roerend.

Na jy dié wêreld van daaglikse geweld en oorlewing op die Kaapse vlaktes en in Pollsmoor se tronk uitgebeeld gesien het, sal jy sukkel om weer op dieselfde, haai-shame-dis-darem-erg manier daar verby te ry. Gevolglik speel baie gebeure af in areas waar jy as kyker al self voetspore gelos het, en dít bring die film ook baie nader aan jou eie lewe.

AB, Gimba, Gif en Shorty is tipiese jong seuns wat in die 1960’s hul geluk uitprobeer in hul eie bende, Young Ones, totdat AB en Gimba deur die polisie gevang …