Slaan oor na hoofinhoud

Kunstenaar: Hermien van der Merwe ~ deur iskra



1. Vertel ons asb meer van jouself?
Ek is Hermien van der Merwe: Kind van God, my Koning; Vrou vir Roelf, my skoolliefde en hartsliefde; ma vir Carla (13), Mari (12) en Roelf (8); Dogter, Suster en vriendin.

2. Hoe lank skilder jy al?Ek skilder al ‘n leeftyd. Ek het my eerste kunsateljee gehad toe ek 6jr oud was. Ek is mal oor die reuk en gevoel van Kunsmaak. As volwassene, het ek in die jaar 2000 voltyds begin skilder.

3. Wat/Wie inspireer jou?
My inspirasie kom uit die natuur. En dan kom wys die Heilige Gees vir my simboliek in my temas. (Ek werk in ‘n baie groot verskeidenheid kunsmateriale: Olieverf, pen-en-ink, grafiet, pastel, houtskool, asook draadwerk en linne vir groot drie-dimmensionele Protea-geïnspireerde kandelare.)

Ek is baie lief vir Fynbos. Sedert 2008, het ek Fynbos blomme deel gemaak van my Kuns en ek sal seker altyd Fynbos in my werk gebruik. Dit is sterk plante, eie aan SA, maar die Fynbos Biosfeer is ook broos en kwesbaar en moet bewaar word. Ek vind in Fynbos dieper, Geestelike ooreenkomste met menselewens. Soos die Fynbos van tyd tot tyd deur veldbrande moet gaan om ‘n beter blom in die volgende seisoen te verseker, moet ons ook gereeld deur ons Skepper gelouter/gesuiwer word om tot Sy eer te blom. Dis die pad van Heiligmaking wat ons stap.

In my mees onlangse werke, gebruik ek veral woestynplante as temas. Ek is lief vir Aalwyne. Aalwyne staan sterk in droogtes en blom waar hul geplant is. Dit het ook helende eienskappe. Die helder oranje blomme lyk soos kandelare van vuur herinner my daaraan dat ons die lig vir die wêreld moet wees.

Ek teken ook doringbome uit woestyngebiede. Ons gesin is baie lief daarvoor om in die Kalahari vakansie te hou. Ek kom dan ateljee toe en teken met pen-en-ink Acasias en Kameeldorings. Die pen-en-ink sluit vir my mooi aan by die doring-agtige bome. Die dorings herinner my daaraan dat Jesus as Koning gekroon is.

Ek het ook onlangs ‘n reeks Artisjokke gemaak in Lino-snieë. Die Artisjok is vir my ‘n gunsteling groente, maar het ook ‘n dieper simboliek. Die harde, buite blaartjies van die artisjok moet afgetrek word voor jy by die hart uitkom (die smaaklikste deel). Net so haal ons God ook ons lagies af totdat hy by ons hart kom – dit wat vir Hom die belangrikste is.



3. Ons leesblad is gebasseer op die waarheid dat ons toegerus is met alles wat ons nodig het om vandag 'n sukses te maak M.a.w, Moenie kyk na alles wat jy nie het nie, gebruik wat jy het, net waar jy is!
Het jy 'n storie waar dit ook 'n waarheid was vir jou? Dit wat ek by die Here gekry het, is ‘n passie en ‘n ware liefde vir kunsmaak. Hy verwag van my om hierdie geskenk vir Hom terug te gee deur dit tot Sy eer te gebruik. En dit is wat ek doen. Ek kom elke oggend in my ateljee in en doen net wat ek moet doen daardie oggend. (Dit verg wel dissipline – veral as ek nie geïnspireerd voel nie.) Ek kies my tema, ek kies my medium en ek begin werk. Dan kom ontmoet Hy my net daar en kom wys my waaroor my werk regtig gaan… die simboliek daaragter. Hierdie waarhede skryf ek soms in die kunswerk en versteek die boodskap tussen die beelde of kleure. Dis so eenvoudig soos dit. Ek glo dan dat elke kunswerk by sy voorafbepaalde eindbestemming sal uitkom – en daar – die dieper boodskap verder sal uitdra. ‘n lig vir die wêreld… Ek doen net my deel in God se Koninkryk. Ek hoef nie alles te doen nie. Hy doen die res. 

4. Waar kan mense meer van jou werk te siene kry?
www.hermienart.co.za 

Ek laai ook gereeld my nuutste werk op my Facebook blad. 

My pen-en-ink tekeninge van fynbos blomme is te koop in die klip winkel op Tafelberg in Kaapstad.



5. Watter raad het jy aan jong kunstenaars?
Die beste raad wat ek as kunstenaar gekry het, was van my dosent (Daan Roestorff) op Stellenbosch en dit is ook my raad aan jong kunstenaars: Teken elke dag iets!
Wanneer jy besig is met kunsmaak, kom die kreatiewe idees na jou toe. Moenie wag daarvoor nie. Teken of verf eerste.


6. Ek het hierdie kunswerk van jou op die internet raakgeloop.
Wat is die storie agter hierdie stuk?
Hierdie werk is ongelukkig reeds verkoop. (Ek het dit in 2013 gemaak.)

Titel: Gekroon (Speldekussing Kroon)

Medium: Drukkersink/ Houtskool/ Pastel/ Grafiet/ Pen-en-Ink

Grootte: 595mmx420mm

Inspirasie:
Openbaring 6:2: Bly getrou tot die dood toe en Ek sal julle die lewe as kroon gee.

en

Matteus 11:30 My juk is sag en my las is lig






Hierdie portretstudie is gedoen in gemengde media op papier. Dit beeld ‘n dogter van ons Koning uit: ‘n Suid-Afrikaanse Prinses met ‘n kroon op haar hoof. Die kroon is ‘n doringkroon: ‘n speldekussing fynboskroon. Maar anders as Jesus se kroon, is speldekussings sag en lig. Jesus nooi ons om sy juk op te neem, want sy juk is sag en sy las is lig. Ek het die woorde ‘gekroon’ op die plekke in die werk ‘versteek’ in goue ink.

7. 'n Lewens leuse (life quote) wat jou inspireer? Rom 12:1: “… gee dan julleself aan Hom as ’n lewende en heilige offer.”
Dit is waarna ek daagliks streef.

Baie Dankie Hermien!
Nasie-Groete
iskra








Opmerkings

Gewilde plasings van hierdie blog

THE ROAR

Dis lanklaas wat 'n fliek my so opgewonde gehad het dat ek my man wil afvlieg om die uitsending in George te gaan kyk. Die fliek waarvan ek praat is THE ROAR, 'n Frans Cronjé film, wat ek onlangs in Pretoria met die vertoning daar gaan kyk het vir resensie doeleindes. Die film stem so wonderlik ooreen met Nasie se leuse en hartklop...
Die hele fliek gaan daaroor om uit te vind wat jou lewensdoel is, dit raak te sien en om dit te bereik. Spreker, Gustav Gous was ook daar gewees. Hy praat gereeld oor lewensdoel en sy insprake was vir my baie spesiaal gewees. Hy het gesê mense dink hulle het net een doel, maar ons het eintlik ten minste 9 doele wat God vir ons elkeen uniek gemaak/gegee het. Dit was vir my 'n baie lekker ervaring en veral om te sien hoe opgewonde Frans Cronjé is oor hierdie film!
The Roar vorm deel van 3 verskillende films onder die Purpose Campaign. 6 Below wys reeds by lokette, The Roar en Victor is die ander twee en word die 2de Maart en die 13de April bekend…

Hennie Meyer Ceramics

Hennie Meyer is 'n keramiek kunstenaar van Kaapstad. Sy klei-kunswerke wek kalmte, nuuskierigheid en bewondering. 


1.Wanneer het jy jou passie om met klei/keramiek as medium te werk ontdek?
Ek is die jaar na matriek as Rotariër uitruilstudent na Australië. Dit was in 1984. Die skool in Australië het geweier om op daardie stadium ’n “wit” Suid Afrikaner in die skool in te neem. Die enigste tersiëre instansie wat bereid was om my te onderrig was die plaaslike technikon en ook net die kunsdepartement! So ek was baie gelukkig om heeltemal toevallig vir ’n jaar lank ’n diploma in keramiek te kon doen. Die medium het my perfek gepas. Ek het teruggekom en kunsonderwys op Stellenbosch studeer. Op Stellenbosch was ’n wonderlike dosent in keramiek, David Steele, wat my liefde vir klei verder aangemoedig en ontwikkel het.

2. Wat inspireer meeste van jou werk?

Die klei self is die sterkste inspirasie. Klei is ’n wonderlike medium. Wanneer ek met die klei werk is ek baie bewus van die proses. Hie…

The Roar and I

As I sat down in front of my computer to write what is burning in my heart, with that loathsome cape of self-doubt hanging around my shoulders – what makes me think that I’m worthy of sharing my views with the world? – a randomly generated Windows Spotlight Image greets me. Yes, as you can see a mighty lion relaxing in the sun, face into the wind. Powerful and content. I couldn’t help but chuckle and you will soon see why.

The recently released film, The Roar, tells a powerful tale of Louise (Almarie du Preez), a young woman who has to make some important decisions about her future. Not only her future, her destiny. The viewers follow her journey of discovery in the setting of the bushveld family farm and lodge ran by her father, Ranger (Frans Cronjé), who struggles with finding his footing in life after the passing of his wife. Not to forget her fiancé, André (Heinz Winkler), who is not only a pillar of strength to Louise, but her comrade in the day-to-day running of the business as …