Slaan oor na hoofinhoud

Liefde is Tuis



Julle sal my nie glo nie! Die storie brand nou al 'n ruk-lank in my hart!
Die vonkelende waarheid wat ek al meer as 'n jaar (ag ok miskien nader aan twee jaar...) terug ervaar het toe ek by 'n Joshua na die Reën optrede was.


Ek het die eerste keer vir Jacques van Joshua na die Reën ontmoet by 'n Woestyn-tee gereël deur Ingrid Stegmann, jare lange vriendin en uitgewer van Manna tydskrif. Riska, medeskrywer en stigter van NasieInspirasie, het destyds berig oor die geleentheid. 

Mamma van 3, amper 4 (destyds toe ek begin skryf het aan die artikel), met kiddies in die prentjie kry ek nie so gereeld kans om musiekshows by te woon nie so toe ek die tweede keer die voorreg kry om Jacques se hand te skud en 'n foto te neem moes ek net daaroor skryf. As gevolg van die 4 kiddies, lees julle nou eers die artikel...

Dit was weereens 'n heerlike ervaring.
Jacques is hoofsanger, skrywer en klawerbordspeler van die groep.
Wat jou dadelik opval van Jacques is sy sagte opreghtheid. 
Dit staan soos 'n paal bo water.
Sy motto van leef met "verwagting , nie afwagting" kan duidelik in baie van sy liedjies opgemerk word. Hy voel dat dit 'n kuns is om seer oor te dra in liedjies sodat dit steeds hoop bring. 
Dit is die doel van sy musiek en dit inspireer my.

Waarom die naam? Joshua na die Reën?....

"Die naam "Joshua na die Reën" verwys na die hoop wat ek het vir my musiek.
Ek hoop altyd dat my musiek op een of ander manier mure sal afbreek tussen mense...asook hoe mens oor sekere dinge dink. Dis nie net 'n hoop vir mens wat daarna luister nie, maar meeste van die tyd vir myself ook. "Joshua" is vir my simbolies van iemand wat, deur te glo wat in sy hart was, mure kon afbreek.. Die lirieke is filosofies van aard en daarom sal dit mens se gedagtes op reis vat. Dit is ook geskryf sodat elke mens dit in hulle eie lewe kan interpreteer!

Vir my is die gevoel wat mens kry "na die reën" iets wat my deur al my jare sal opgewonde maak. Want die hele skepping word dan lewendig. En na 'n lang droogte kan alles weer groei.

Om dit saam te vat : hoop ek my musiek, net soos baie musiek reg oor die wêreld, kan iets in die mense wat daarna luister verander, en dan ook soos reën neerval sodat iets nuut kan groei en blom!"




Jacques vertel dat hy glo in die regte tyd vir dinge en drome om te gebeur. Mens moet dit nie ryp probeer druk nie. Kaleidoskoop is n groep wat hom inspireer, ek stem met hom saam as hy sê "ons steek mekaar aan". Dis immers Nasie se motto ook! "Daar is vuur in ons wat brand in die nag". Hy voel ons is almal gelyk en het iets om te gee. Ons moet leer om die waarde in mekaar raak te sien.



Meer oor Liefde is Tuis Skrywer, Melissa Viljoen
Foto: Jean de Villiers – DaVille / Starburst Promotions






Volg #NasieInspirasie
Instagram: @iskra_music
Twitter: @iskra

#NasieInspirasie se hart klop om sleepvoet-dromers te inspireer. Waardeer jou eie uniekheid, gebruik jou talente en natuurlike gawes. “‘n Klein vonk kan ‘n groot woud laat brand.”
#nasieinspirasie




Opmerkings

Gewilde plasings van hierdie blog

Joshua Na Die Reën & Liani Reynolds

    Liani Reynolds en Jacques van Joshua na die Reën

Joshua Na Die Reën het al ‘n huishoudelike naam geword in Suid Afrika en almal wat sy musiek hoor is gaande daaroor. Vir die rede was Affies Seunsskool, in Pretoria, se saal vol gepak met afwagting op sy nuutste album. Almal het uitgesien na sy gevoelvolle stem wat gemaklik hoog en dan weer laag deur jou hart sny met sy sielvolle lirieke. Jy kan sy musiek voel en jou hart kan dit verstaan. Ek dink dis hoekom so baie mense sy musiek geniet. Ons, ek en Lenetjie, was ook baie opgewonde om Liani Reynolds se album te beleef, veral vir dié wat haar unieke diep stem gehoor het op die Lugballon enkelsnit van Musiek soos Grond. Laat ek vir jou ‘n prentjie skets van die heerlike aand sodat jy kan voel asof jy ook daar was. Ek deel graag met julle my belewenis.


Voor die konsert het ons vinnig ‘n paar fotos geneem en geselsies aangeknoop met sangers, radio omroepers en Jacques se ma wat op kort kennis kaartjies verkoop het.


Melissa (NasieInspira…

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is!

So klein dingetjie met soveel praat in sy kneuse...daardie klippie in die skoen.
(Talk about rubbing me up the wrong way!)

Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap...

Ons veiligheid.
Ons kinders se toekoms, gesondheid. Hoe gaan jy hierdie maand daardie rekening betaal?
Jou huwelik of 'n vriendskap is dalk op 'n snaakse plek of selfs naby skipbreek?

Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met 'n ander o…

Noem My Skollie - Die Resensie

#NasieInspirasie
Fliekresensie: Noem My Skollie




Duur: 2.5 ure

Skrywer: John W. Fredericks

Regie: Daryne Joshua

Vervaardiger: David Max Brown

Klankbaan: Kyle Shepherd
(Geskik vir kykers vanaf 18jaar)

Kyk, dis die eerste fliek wat my binne my sitplek in die teater laat voel het ek is verseker nié veilig nie. Noem My Skollie is hard en onverskrokke, maar baie eg tot die werklikheid. Die feit dat die film gebaseer is op John W. Fredericks (die skrywer) se lewensverhaal, maak dit net meer roerend.

Na jy dié wêreld van daaglikse geweld en oorlewing op die Kaapse vlaktes en in Pollsmoor se tronk uitgebeeld gesien het, sal jy sukkel om weer op dieselfde, haai-shame-dis-darem-erg manier daar verby te ry. Gevolglik speel baie gebeure af in areas waar jy as kyker al self voetspore gelos het, en dít bring die film ook baie nader aan jou eie lewe.

AB, Gimba, Gif en Shorty is tipiese jong seuns wat in die 1960’s hul geluk uitprobeer in hul eie bende, Young Ones, totdat AB en Gimba deur die polisie gevang …