1.Vertel ons asb bietjie meer van wat jou daaglikse werk behels asook die missie en visie daarvan?
A.g.v. my vorige ervaringe, het ek die begeerte ontwikkel om vreugde terug te bring in die werksplek. Mens spandeer die grootste deel van hulle lewe by die werk en daar is ongelooflike druk en miskommunikasie. Die Here het my gelei na ongelooflike mense en geleenthede om my voor te berei vir die taak. Dit het 3 jaar geneem om te formuleer wat dit is wat ek vir firmas kan bied om ‘n verskil te maak. So het Keesta ontstaan. Met behulp van die wonderlike vaardigheid van NLP (Neuro Linguistic Programming) en LAB Profiele (Language and Behaviour), kan ek tot die kern van die persoon dring, weet wat motiveer hulle, wat demotiveer hulle en in watter tipe pos en kultuur hy/sy die beste sal funksioneer. Dis my trots om mense te help ontdek wat hulle potensiaal is en hoe hulle ‘n groeiplan kan uitwerk om dit te bereik. Dis tot die firma se voordeel om eerstens die regte persoon te kies vir die posisie, hulle te lei om hulle potensiaal te bereik en te vergoed volgens individuele behoefte. Ek inspireer die leiers van firmas om hierdie hulle uitgangspunt te maak.
2. Wie en Waar was jy voor Keesta?
Ek het Rekenaar Programmering gestudeer en agv van finansiële redes kon ek dit nie voltooi nie. Daarna het ek by ‘n ouditeursfirma, destyds se Coopers & Lybrand, werk gekry en die kennis van boekhou en rekenaars het verseker dat ek altyd werk gekry het. Ek het hoofsaaklik van werk verander omdat ons moes trek agv my man se werk. Ek het elke moontlike geleentheid aangegryp om nuwe vaardighede aan te leer. My dogter is gebore toe ek 24 jaar oud was en ek het besluit om my gesin en werk eerste te stel en dat ek eers wanneer sy selfstandig was, my eie drome sou vind en uitleef. Min het ek geweet dat dit eers sou gebeur op 45 jarige leeftyd en dat die Here sou ingryp om dit te laat gebeur. Deur profesieë en drome het Hy my gelei om hierdie besigheid te begin. Vandag weet ek dat al die pynlike ervaringe in my verlede my voorberei het vir Sy doel vir my lewe.
3. Hoe belangrik is dit vir kinders van God om hul doel (life purpose) werklik te vind en uit te leef in jou mening?
Uit ondervinding weet ek dat jy net bestaan totdat jy jou doel ontdek het. Vandag kan ek ten spyte van groot uitdagings, elke dag sê “I love my job”. Wat ek ook moes ontdek is dat nie almal God se doel vir hulle lewe noodwendig in hulle werksplek uitleef nie, dit mag dalk net ‘n stokperdjie wees.
4. Watter advies het jy vir mense wat dalk al jare in 'n 8-5 werk dalk sit en nie hulle ware potensiaal ontgin word of enige satisfaksie daaruit kry nie?
Elke minuut is kosbaar. Tyd kan nie terug gekoop word nie. Vind uit wat God se doel vir jou lewe is – dis reeds binne jou, word stil saam met die Here en Hy sal jou dit uitwys – stukkie vir stukkie. Moenie dink dat dit alles met een groot Aha oomblik gaan gebeur nie. My eerste oomblik van ontdekking het gebeur toe ek ‘n vraelys van my “Life coach” moes voltooi. Daarna het ek geweet wat die droom is, maar nie hoe om daarby uit te kom nie. Mense kan daaroor lees in my blog by www.keesta.co.za. Binnekort gaan my webblad baie meer interressant wees en ek wil mense aanmoedig om dit weer in die toekoms te besoek.
5. Jou gunsteling "life quote"?
“It takes the same amount of energy to be positive or negative, so why not choose to be positive?” – onbekend
Ook:
“Train your people well enough so they can leave, but treat them well enough so they don’t want to” – Richard Branson
6. Hoe kan mense Keesta kontak/betrokke raak?
Like die faceboek blad “keestagroupofcompanies”. Stuur eposse na christa@keesta.co.za, of besoek die webblad wat binnekort baie meer aanloklik gaan wees!
Opmerkings
Plaas 'n opmerking