Slaan oor na hoofinhoud

Bouwer Bosch


1. Hi Bouwer, welkom by NasieInspiraise!
Dit is altyd lekker om te sien wanneer mense braaf is en opstaan vir die dinge en persone waarin hulle glo. Watter dinge en persone staan jy graag voor?
 Ek staan vir liefde, dat almal maar eintlik die lewe “wing”. Niemand weet wat môre gaan gebeur nie maak nie saak in wie of wat jy glo nie. Dit maak ons almal vir my dieselfde. Ek is net so stukkend soos die sielkundige wat 'n PHD het, en ek en ateïste het net so baie onsekerhede soos 'n dominee van 'n gemeente met 50 000 lede.  Ek glo dat liefde wen, dat die lewe verander gaan word deur verhoudings en nie 'n klomp reëls en wette nie. Ek staan vir stukkende en verlore mense soos ek, wat soms opstaan en nie weet wat om met hul lewe te doen nie. Ek staan ook vir mense wat die lewe nie altyd so ernstig opneem nie, wat kan giggel oor “stupid” goed wat ek self aanvang en die foute wat ek maak. 

2.Met tye word dit verdraai deur mense se persepsies en interpretasies. Hoe het jy geleer om dit die beste te hanteer?
Jy kan nie van almal hou nie, en almal kan nie van jou hou nie. Hoe gouer mens vrede maak met dit hoe beter. Dewald Potgieter het my ook geleer dat jy is nooit so goed of sleg soos wat mense sê jy is nie. Daai uitkyk op die lewe help my maar om “grounded” te bly.

3. Ons het so rukkie terug oor Passie gesels hier op Nasie en ook oor hoe mense nie altyd hulle gekose doel uitleef en eintlik "stuck" is in 'n omgewing (square peg in a round hole) en negatiewe gedagte-gange.
Wat is jou Passie en Hoe het jy dit ontdek?
Ek dink my passie is mense en onregverdighede. Ek dink nie ek doen genoeg om teen onregverdighede te veg nie, ek is maar soms 'n “armchair activist” wat net sit agter 'n rekenaar en tik en besef ek moet meer doen daarbuite. Ek was maar net gelukkig, “I guess”, ek het nog altyd iets in my gehad wat breek vir ander mense, dalk omdat ek so baie van myself in ander kon raaksien.  Ek dink ook jy ontdek elke dag meer van wie jy is en wat jy eintlik moet doen hier op aarde, soms moet jy ook net wees en deur sekere dinge sit, nie te veel “overthink” nie.

4. "If I knew then what I know now...."
Watter raad het jy vir die jong ouens wat jou spore agterna volg in die bedryf waar jy jouself bevind?
Wees anders, “you cannot make a difference if you are not different.” Swem teen die stroom en wees altyd eerlik met jouself en jou kuns en soos Brand Pretorius sê, moenie lief raak vir goed wat nie lief kan raak vir jou nie.

5. Wat is jy tans mee besig waarvoor ons kan uitkyk, (...solank opgewonde kan raak oor?)......ek skryf 'n paar nuwe liedjies vir myself sommer, ons werk aan Vuil Wasgoed die vollengte film wat ek laasjaar saam Bennie Fourie aangepak het, hy is 'n briljante nuwe skrywer en akteur in SA. Verder werk ons aan 'n lekker winterprojek vir Liefde Wen.




6. Jou gunsteling SUID AFRIKAANSE BANDS/KUNSTENAAR (Noem 3 of meer as jy wil...)
Hemelbesem. Een van ons land se beste kletsrymers/digters.
Ek is 'n groot Beatenberg fan.
Majozi het ook 'n manier om emosies vas te vang wat ander nie kan nie.

7. Hier op Nasieinspirasie is ons leuse:
 "a tiny spark can set a great forest on fire."
(Die klein bietjie wat jy het is genoeg en kan 'n REUSE verskil maak, begin dit net gebruik) Hoe kan mense 'n verskil maak/betrokke raak met betrekking tot jou LiefdeWen Projek??
Liefde Wen groei maar stadig maar ek dink hy groei teen die regte tempo. Ek is nog nie op 'n plek in my lewe wat ek al my projekte kan stop en net Liefde Wen projekte doen nie, ek wens. Ons probeer maar via sosiale media mense mobiliseer, die Liefde Wen span is wyd versprei so ons werk nou aan 'n plan om meer gefokus te werk. Dit is maar deel van die groeipyne van enige organisasie. Die beste raad is maar om twitter, instagram en facebook dop te hou vir wanneer ons 'n volgende projek aan die gang kry.


8. Gunsteling Life Quote?....
“You cannot make a difference if you are not different”. - Coco Chanel.  


Opmerkings

Gewilde plasings van hierdie blog

Joshua Na Die Reën & Liani Reynolds

    Liani Reynolds en Jacques van Joshua na die Reën

Joshua Na Die Reën het al ‘n huishoudelike naam geword in Suid Afrika en almal wat sy musiek hoor is gaande daaroor. Vir die rede was Affies Seunsskool, in Pretoria, se saal vol gepak met afwagting op sy nuutste album. Almal het uitgesien na sy gevoelvolle stem wat gemaklik hoog en dan weer laag deur jou hart sny met sy sielvolle lirieke. Jy kan sy musiek voel en jou hart kan dit verstaan. Ek dink dis hoekom so baie mense sy musiek geniet. Ons, ek en Lenetjie, was ook baie opgewonde om Liani Reynolds se album te beleef, veral vir dié wat haar unieke diep stem gehoor het op die Lugballon enkelsnit van Musiek soos Grond. Laat ek vir jou ‘n prentjie skets van die heerlike aand sodat jy kan voel asof jy ook daar was. Ek deel graag met julle my belewenis.


Voor die konsert het ons vinnig ‘n paar fotos geneem en geselsies aangeknoop met sangers, radio omroepers en Jacques se ma wat op kort kennis kaartjies verkoop het.


Melissa (NasieInspira…

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is!

So klein dingetjie met soveel praat in sy kneuse...daardie klippie in die skoen.
(Talk about rubbing me up the wrong way!)

Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap...

Ons veiligheid.
Ons kinders se toekoms, gesondheid. Hoe gaan jy hierdie maand daardie rekening betaal?
Jou huwelik of 'n vriendskap is dalk op 'n snaakse plek of selfs naby skipbreek?

Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met 'n ander o…

Noem My Skollie - Die Resensie

#NasieInspirasie
Fliekresensie: Noem My Skollie




Duur: 2.5 ure

Skrywer: John W. Fredericks

Regie: Daryne Joshua

Vervaardiger: David Max Brown

Klankbaan: Kyle Shepherd
(Geskik vir kykers vanaf 18jaar)

Kyk, dis die eerste fliek wat my binne my sitplek in die teater laat voel het ek is verseker nié veilig nie. Noem My Skollie is hard en onverskrokke, maar baie eg tot die werklikheid. Die feit dat die film gebaseer is op John W. Fredericks (die skrywer) se lewensverhaal, maak dit net meer roerend.

Na jy dié wêreld van daaglikse geweld en oorlewing op die Kaapse vlaktes en in Pollsmoor se tronk uitgebeeld gesien het, sal jy sukkel om weer op dieselfde, haai-shame-dis-darem-erg manier daar verby te ry. Gevolglik speel baie gebeure af in areas waar jy as kyker al self voetspore gelos het, en dít bring die film ook baie nader aan jou eie lewe.

AB, Gimba, Gif en Shorty is tipiese jong seuns wat in die 1960’s hul geluk uitprobeer in hul eie bende, Young Ones, totdat AB en Gimba deur die polisie gevang …