Slaan oor na hoofinhoud

CHATA ROMANO - Riana Meyer


1.Meeste vrouens is maar gereeld op die uitkyk vir daardie uitrusting wat werk by hierdie, of daardie, geleentheid...en wat ook natuurlik pas by haar figuur!
Watter diens bied jy, as Chato Romano Senior konsultant, vir die gewone vrou en haar klerekas aan
?

Die belangrikste diens is die persoonlike konsultasies waartydens ek elke vrou help met haar persoonlike, individuele kleur- en figuuranalise om sodoende te bepaal wat haar beste kleure vir haar hare, klere en grimering is en wat die beste style is vir haar individuele figuur. Ons sit niemand in ’n kategorie van ’n spesifieke figuur-tipe nie. Die klem lê op die individuele analise. Ons kyk na elke persoon van haar kroontjie tot haar toontjie om te bepaal wat die heel beste style vir haar sal wees. Verder doen ek klerekasbeplanning, “personal shopping” sowel as “makeovers”. Iets wat vrouens ook baie geniet is die groepskonsultasies waar ’n paar vriendinne bymekaar kom vir ’n oggend/ middag en ek dan hulle analises saam doen.


2.In die Korporatiewe wêreld is dit ook noodsaaklik, ivm die beeld van 'n suksesvolle besigheid, vir werknemers om op hul beste te lyk wanneer hulle met kliente te doen het. Vertel ons meer oor HOE jy te werk gaan om besighede hierdie diens te lewer?

Ek doen dit deur middel van verskeie werkswinkels. Van hierdie werkswinkels behels kleur en styl oplossings. Die “Corporate Confidence” werkswinkels is baie gewild onder korporatiewe kliente. Ek bied selfs ’n werkswinkel aan genoem “Perfectly Packed” waartydens ek vrouens wys hoe om genoeg uitrustings te pak in ’n klein tassie vir enige tydperk van 2 dae tot 3 weke, winter of somer, vir besigheid of vakansie. Die werkswinkels word aangebied deur middel van ’n power point presentation met wonderlike fotos. Afhangend van die grootte van die groep en die behoefte van die maatskappy doen ek ook goepskonsultasies. Die is gewoonlik vir klein groepe (5 - 10 dames).
 


3. Waar het jou passie begin vir hierdie spesifieke werk en wat daarvan geniet jy die meeste?

Ek het nog altyd ’n liefde gehad om mooi aan te trek en dit was nog altyd vir my belangrik om elke dag op my beste te lyk. As Vader in Sy Woord sê dat die liggaam Sy tempel is beteken dit vir my dat ek daarna moet kyk en dat ek dit na die beste van my vermoë moet beklee. Ek weet ook dat wanneer ek verslons aantrek, ek die hele dag verslons voel. Ek het begin agter kom dat vroue baie maal ook soos ek voel, maar nie noodwendig weet hoe om daarby uit te kom nie. Ek het altyd graag vroue gehelp wat raad gevra het en het al hoe meer besef dat deur dit te doen ek ’n verskil maak in ander se lewens. Dit is juis hierdie aspek van dit wat ek doen wat ek die meeste geniet…’n klient wat my omhels wanneer sy haarself in die spieël sien en sê sy het nooit geweet sy kan so mooi lyk nie, of ’n vrou wat my na ’n konsultasie kontak om te sê ek het haar gehelp om haar huwelik te red…Dit is dan wanneer ek weet dat ek in Vader se diens staan en ’n verskil kan maak. Vroue is SO kosbaar en onderskat dikwels hulle waarde. Die lewe vandag verg baie van ons vrouens en in die proses vergeet ons van onsself. Voor ons ons oë uitvee het ons onsself so verwaarloos dat ons nie meer weet hoe ons kan lyk nie. As gevolg hiervan kry ons selfbeeld gewoonlik ’n knak en dan is dit ’n bose kringloop.


4. Hier op Nasie "Celebrate" ons gewone mense wat uitgedaag word in ongewone of moeilike omstandighede en, saam met God, sterk staan en oorwin! Deel asb een so getuienis uit jou eie lewe…

Na ’n mislukte huwelik op ’n vroeë ouderdom is ek op ’n relatiewe laat stadium van my jong lewe weer getroud met ’n man vir wie ek baie lief was. Ons het ’n wonderlike huwelik gehad maar het gou uitgevind dat ons nie kon kinders hê nie. Ons het na agt jaar se onsuksesvolle probeer, ook met behulp van medici, uiteindelik ’n baba dogtertjie aangeneem. Sy was die grootste geskenk wat ons uit Vader se Hand ontvang het. En sy was verskriklik lief vir haar pappa. Sy het elke aand van haar lewe in sy arms aan die slaap geraak. Toe sy egter 5 jaar oud is, is my man een aand oppad huistoe in 'n motorongeluk oorlede. Ek het gevoel of my lewe ook tot ’n einde gekom het. Baie dae was my dogtertjie die enigste rede waarom ek hoegenaamd uit die bed uit opgestaan het. Maar ek het besef dat in hierdie lewe ons nie altyd kan kies wat met ons gebeur nie maar dat ons verseker kan kies hoe ons dit gaan hanteer. Ek het ook beleef hoedat Vader my en my dogtertjie nooit vir een oomblik alleen gelos het nie. Hy is voorwaar ’n waarmaker van Sy Woord. Na ’n paar jaar het my dogtertjie ’n pappa in haar lewe begin mis en sy het begin bid vir ’n “nuwe” pappa. Toe sy een aand vir my sê dat sy al ’n geruime tyd daarvoor bid was ek geskok. Ek wou nie weer trou nie. Met die wysheid van die Heilige Gees het ek toe vir haar gesê dat ons vir Pappa God moet vra om ons beide se hartsbegeertes in lyn te bring met Sy perfekte wil vir ons, en dit is hoe ons toe begin bid het. Kort daarna het Vader die wonderlikste man en pappa vir ons gegee. Ons is nou beina ses jaar getroud en ek dank Vader vir Sy volmaakte plan. Niks is vir Hom onmoontlik nie en Hy het altyd die beste vir ons in gedagte.


5. In jou insiens, wanneer al die "make-up" en mooi goed af is...wat is ware skoonheid EN hoe belangrik is dit vir God?

Ware skoonheid kom verseker van binne. Dit wys in ons oë en dit straal deur ons wese. Selfs al is ons vol "make-up” en het ons die mooiste klere aan is dit ons innerlike waarheid wat ons skoonheid weerspieël. Dit is die kern wat bepaal wie ons werklik is. ’n Vrou met ware skoonheid is ’n vrou met onvoorwaardelike liefde - vir haar Hemelse Vader eerstens, en dan vir haar gesin en almal wie se lewens haar pad kruis, ’n vrou wat onvoorwaardelik gehoorsaam is aan God se Woord. Ware skoonheid is ’n vrou wat glimlag ongeag haar omstandighede…’n vrou wat met sagtheid ander aanraak…’n vrou wat met dankbaarheid en vreugde elke dag opnuut aanpak. Vader verwag dit van ons. Sy Woord sê dat ons swaarkry nie belangrik is nie maar dat Hy gehoorsaamheid van ons vra onder alle omstandighede. Hy sê dat ons ’n lig moet wees in hierdie die wêreld.

6. Jou goeie wenke word ook gereeld in 'n tydskrif, GET IT, gepubliseer. Waar kan lesers nog van jou wenke lees of selfs jou kontak sou dit nodig wees?

Ek skryf gereeld “daily Tips” vir die Chata Romano facebook page. Ek skryf ook maandelikse mode artikels vir die Get It Joburg West .

My website is
 http://chataromano.com/consultant/riana-meyer/
My epos is
 riana@chataromano.com
en  kontaknommer  083 325 6042



Riana with her daughter, Zoé

Opmerkings

Gewilde plasings van hierdie blog

Mike Maeshiro

Mike is from Redding, California. Because of his inspirational quotes, we voted Mike NR 1 on our Top 10 list of folks to follow on Instagram. If you're hungry for truth and frustrated with fluffy-facebook riddles and rhymes, this is the guy to follow.
1. What inspires you?
Firstly, Jesus is a big inspiration for me. I met Him when I was 18. He changed my life. Reality shifted when that happened. We each carry a unique aspect of God, we are His expression. So I want to help people release who He is as them. He's locked up in each one of us and I have declared war on conformity, pretending, manipulation, self-hatred, rejections, fear, ignorance and deception because these keep the light hidden.

My other answer would be pain. The pain I've experienced in my life, I have a strong desire to help other people heal from and overcome the things that have stolen from them and kept them small. I hope my journey can lift their eyes and help them find the way out of their own darkness.


2.…

THE ROAR

Dis lanklaas wat 'n fliek my so opgewonde gehad het dat ek my man wil afvlieg om die uitsending in George te gaan kyk. Die fliek waarvan ek praat is THE ROAR, 'n Frans Cronjé film, wat ek onlangs in Pretoria met die vertoning daar gaan kyk het vir resensie doeleindes. Die film stem so wonderlik ooreen met Nasie se leuse en hartklop...
Die hele fliek gaan daaroor om uit te vind wat jou lewensdoel is, dit raak te sien en om dit te bereik. Spreker, Gustav Gous was ook daar gewees. Hy praat gereeld oor lewensdoel en sy insprake was vir my baie spesiaal gewees. Hy het gesê mense dink hulle het net een doel, maar ons het eintlik ten minste 9 doele wat God vir ons elkeen uniek gemaak/gegee het. Dit was vir my 'n baie lekker ervaring en veral om te sien hoe opgewonde Frans Cronjé is oor hierdie film!
The Roar vorm deel van 3 verskillende films onder die Purpose Campaign. 6 Below wys reeds by lokette, The Roar en Victor is die ander twee en word die 2de Maart en die 13de April bekend…

Hennie Meyer Ceramics

Hennie Meyer is 'n keramiek kunstenaar van Kaapstad. Sy klei-kunswerke wek kalmte, nuuskierigheid en bewondering. 


1.Wanneer het jy jou passie om met klei/keramiek as medium te werk ontdek?
Ek is die jaar na matriek as Rotariër uitruilstudent na Australië. Dit was in 1984. Die skool in Australië het geweier om op daardie stadium ’n “wit” Suid Afrikaner in die skool in te neem. Die enigste tersiëre instansie wat bereid was om my te onderrig was die plaaslike technikon en ook net die kunsdepartement! So ek was baie gelukkig om heeltemal toevallig vir ’n jaar lank ’n diploma in keramiek te kon doen. Die medium het my perfek gepas. Ek het teruggekom en kunsonderwys op Stellenbosch studeer. Op Stellenbosch was ’n wonderlike dosent in keramiek, David Steele, wat my liefde vir klei verder aangemoedig en ontwikkel het.

2. Wat inspireer meeste van jou werk?

Die klei self is die sterkste inspirasie. Klei is ’n wonderlike medium. Wanneer ek met die klei werk is ek baie bewus van die proses. Hie…