Slaan oor na hoofinhoud

OH MY WORD



Lindie se kanniedood-vlammetjie is aansteeklik. Sy is vol avontuur en passie. Iemand met baie hooi op haar vurk, maar met stewige prioriteite, is sy besig om die wêreld om haar met woorde te BOU. Nie enige woorde nie, SCRABBLE woorde!


1. Vertel ons lesers asseblief meer van jouself?
Ek is Lindie Denny en is 32 jaar jonk. Ek woon tans in Pretoria. Ek is 6 wonderlike jare al getroud met die man van my drome! 'n Vrolike mamma van 2 klein woelwaters. Bedags is ek tuis met Katelynn; sy is nou 2jr en 8maande en Linden, my seuntjie, is nou 17 maande. Ek is ook 'n dosent en gee klas in die aande, 3-4 maal per week, by 'n teologiese college in Randburg. Ek het sopas begin met 'n PhD in Praktiese Teologie by TUKS. Ek draf elke dag byna 10km en ek is mal oor bak. Ek is baie lief vir die Here en lief vir die lewe!


2. Wat inspireer jou?

Daar is so baie dinge wat my inspireer. Wat my regtig inspireer is my studente. Elke dag sien ek waar mense in ons land hulself vind. Ek luister na mense se stories en stel belang in hul toekoms. Ek wil so graag 'n verskil in mense se lewens maak. Dis waarom ek sopas begin het met my PhD in praktiese teologie, want in Suid-Afrika wil ek 'n verskil maak. Baie mense verhuis en trek oorsee, maar ek voel geroep vir hierdie land, hierdie mense, hier en nou. Ek wil die beste Lindie wees vir 'n tyd soos hierdie.


3. Hoe het jou blok/letter-besigheid begin?
Ek het al vir baie lank gewens ek kan iets self maak om ekstra geld in te bring, want ek is juis nie baie kreatief of goed met my hande nie. Ek het ook lank iets gesoek vir ons sitkamer muur. Die inspirasie het gekom by 'n mark, en ek het gedink om groot scrabble blokkies te maak wat presies soos die bordspeletjie lyk, letters en getalle. Ek is mal oor bordspeletjies en dit het so by my vasgesit. Ek het dadelik gevoel dis dit. Iets wat ek self kan maak en bemark. Met bietjie huiswerk was ek vinnig aan die gang. Ek maak en verkoop die blokkies alles self. 


4. Het jy ‘n spesiale storie ivm hierdie besigheid om te deel?

Almal weet dat die tye waarin ons lewe in SA maar baie stywe tye is. Vir my met 2 kleintjies, is studeer, en enige ander uitgawe, 'n bederf. Omdat ek regtig glo ek kan 'n verskil maak, wil ek graag verder studeer en my PhD doen. My man het ook op 31 weer begin studeer. Hierdie besigheid se inkomste is vir ons as gesin, die ekstra, die bederf, om verder te studeer en om verder 'n verskil te kan maak in ander se lewens. Ons gesin se 'moto' is: "SO OTHERS MAY LIVE", en dis ons rede!



5.Watter raad sou jy aan ‘n sleepvoet-dromer gee wat hope talent het, maar min waagmoed?
Dit klink so cliche, maar soos Nike sê, "Just do it". Mens moet waag. Ek het altyd gebid vir 'n idee en toe ek hom het, het ek alles ingesit. So as jy iets het, hardloop volstoom. Gee die eerste stap. So sal jy leer en groei. Maar iets moet jy doen! Ek glo altyd dat jou passie 'n weg sal oopkap vir jou. Doen wat jy lief het en hardloop daarmee.


6. Is daar ‘n storie van iemand wat al van jou letters aangeskaf het wat jou baie inspireer het?
Daar is so baie mense wat Name by my koop en ook hul gesin se Van. Dis wat ek 'love' van Oh My Word. Die letters is groot, dis 'bold'. As jy dit teen jou muur opsit is dit vir almal om te sien en dit beteken jy is trots daarop! Ek het 'n groot persoonlikheid en ek hou daarvan as ander ook 'bold' kan wees in hoe hulle hulself uitbeeld en wys. My beste verkoop was al AMAZING GRACE, soos die foto (sien onderaan). Dis net deur God se genade dat ek Hom kan ken.


7. Wat is julle langtermyn visie of ‘groot droom’ vir die toekoms?
Ek hou van groot droom. Ek bid dat meer mense van die blokkies hoor en dit sal koop. Ek bid dat my klein besigheid 'online' baie sal groei en dat my blokkies selfs in winkels sal verskyn. Ek droom dat elke huis blokkies sal hê!


8. Hoe kan lesers julle kontak of meer van julle werk sien?
Lesers kan my gerus kontak op FACEBOOK. Ek het 'n blad daar, "Oh My Word" of e-pos gerus na lindiedenny@icloud.com


9. ‘n Gunsteling quote of vers wat op die oomblik baie vir jou beteken?
" If you want to change the world, go home and love your family". Mother Theresa. Ek is 'n groot aanhanger van Moeder Theresa en waarvoor sy geleef het. Ek moet myself herinner dat my werk begin tuis, by my man en kinders. Mens wil altyd iets anders vir ander beteken, maar wat van ons eie huis? Dis wat my inspireer, my gesin en liefde vir Jesus.







Volg #NasieInspirasie
Instagram: @iskra_music
Twitter: @iskra


#NasieInspirasie se se hart klop om sleepvoet-dromers te inspireer. 
Waardeer jou eie uniekheid, gebruik jou talente en natuurlike gawes.
“‘n Klein vonk kan ‘n groot woud laat brand.” 
#nasieinspirasie 






Opmerkings

Gewilde plasings van hierdie blog

THE ROAR

Dis lanklaas wat 'n fliek my so opgewonde gehad het dat ek my man wil afvlieg om die uitsending in George te gaan kyk. Die fliek waarvan ek praat is THE ROAR, 'n Frans Cronjé film, wat ek onlangs in Pretoria met die vertoning daar gaan kyk het vir resensie doeleindes. Die film stem so wonderlik ooreen met Nasie se leuse en hartklop...
Die hele fliek gaan daaroor om uit te vind wat jou lewensdoel is, dit raak te sien en om dit te bereik. Spreker, Gustav Gous was ook daar gewees. Hy praat gereeld oor lewensdoel en sy insprake was vir my baie spesiaal gewees. Hy het gesê mense dink hulle het net een doel, maar ons het eintlik ten minste 9 doele wat God vir ons elkeen uniek gemaak/gegee het. Dit was vir my 'n baie lekker ervaring en veral om te sien hoe opgewonde Frans Cronjé is oor hierdie film!
The Roar vorm deel van 3 verskillende films onder die Purpose Campaign. 6 Below wys reeds by lokette, The Roar en Victor is die ander twee en word die 2de Maart en die 13de April bekend…

Hennie Meyer Ceramics

Hennie Meyer is 'n keramiek kunstenaar van Kaapstad. Sy klei-kunswerke wek kalmte, nuuskierigheid en bewondering. 


1.Wanneer het jy jou passie om met klei/keramiek as medium te werk ontdek?
Ek is die jaar na matriek as Rotariër uitruilstudent na Australië. Dit was in 1984. Die skool in Australië het geweier om op daardie stadium ’n “wit” Suid Afrikaner in die skool in te neem. Die enigste tersiëre instansie wat bereid was om my te onderrig was die plaaslike technikon en ook net die kunsdepartement! So ek was baie gelukkig om heeltemal toevallig vir ’n jaar lank ’n diploma in keramiek te kon doen. Die medium het my perfek gepas. Ek het teruggekom en kunsonderwys op Stellenbosch studeer. Op Stellenbosch was ’n wonderlike dosent in keramiek, David Steele, wat my liefde vir klei verder aangemoedig en ontwikkel het.

2. Wat inspireer meeste van jou werk?

Die klei self is die sterkste inspirasie. Klei is ’n wonderlike medium. Wanneer ek met die klei werk is ek baie bewus van die proses. Hie…

#withlove - #metdieliefde

Guest at your Table is a collaborative project by artists from the Garden Route, South Africa. Inspired to bring change and spark others to do the same. 

It started as a busking project to collect funds for the homeless, but we decided to take it a little further...

Download this song for FREE!!! If you wanted to purchase it; rather pay it forward with a random act of kindness; be it to a charity or a person in need!!!
#R10challenge
Download HERE

Artists: Janine Fourie Musisean Hakkiesdraad Hartman Chadd Poggenpoel Carel & Riska Du Plessis

Recorded & Produced by: Jo Ellis Music www.joellismusic.com

a tiny spark can set a great forest on fire
#withlove #metdieliefde #nasieinspirasie #nationinspiration