Slaan oor na hoofinhoud

Molly's Game




Bekroonde draaiboekskrywer, Aaron Sorkin, maak sy debuut as regisseur met ’n aksiebelaaide, spanningsdrama oor die lewe van Olimpiese skiër en ondergrondse dobbelkoningin, Molly Bloom. Sorkin, wat bekend is vir sy werk op lokettreffers, soos The Social Network, Steve Jobs, Moneyball, The American President en A Few Good Men, het self die draaiboek vir MOLLY’S GAME geskep - met behulp van Molly Bloom se boek en joernale - en dit reggekry om haar storie op ’n aangrypende manier op die grootskerm vas te vang. “Sorkin kry dit reg om jou te vermaak en te fassineer met hierdie wilde verhaal, wat deur middel van ’n puik groep akteurs vertel word,” meen The Hollywood Reporter se Todd McCarthy.

MOLLY’S GAME vertel die verhaal van ’n pragtige en kompeterende sportvrou (Jessica Chastain), wat vir ’n dekade lank eksklusiewe, hoë risiko, ondergrondse poker-kompetisies gehou het, voordat sy een aand deur 17 FBI-agente, met outomatiese gewere, gearresteer is. Hierdie aksiebelaaide rolprent wys hoe sy probeer om haar spelers, wat Hollywood-bekendes, sporsterre en besigheidsmagnate insluit, te beskerm gedurende die hofsaak wat volg en hoe dinge warm word wanneer sy besef dat die Russiese mafia ook betrokke is. Haar enigste bron van ondersteuning is haar prokureur, Charlie Jaffrey (Idris Elba), wat gou besef dat daar baie meer agter die storie is as wat die skinderkoerante vertel.

Die fliek is in September 2017 by die Internasionale Rolprentfees in Toronto amptelik bekendgestel en het reeds verskeie toekennings opgeraap, waaronder twee Loopbaanprestasietoekennings vir Aaron Sorkin by die Zürich-rolprentfees en die Internasionale Rolprentfees in Denver. Dit is ook aangewys as die Gehoorgunsteling tydens die Mill Valley Film Festival.

Bekroonde aktrise en vervaardiger, Jessica Chastain, wat bekend is vir haar rolle in flieks soos Interstellar, The Martian, The Disappearance of Eleanor Rigby en Miss Sloane speel die rol van Molly Bloom. Volgens rolprentkritici lewer sy ’n uitstaand vertoning in die rol en daar word voorspel dat sy moontlik ’n toekenning of twee gaan inpalm. Idris Elba (American Gangster, Thor, Pacific Rim, Star Trek Beyond) en die multi-bekroonde Kevin Costner (Dances with Wolves, Robin Hood: Prince of Thieves, Tin Cup, The Postman, Message in a Bottle, The Guardian) lewer ook indrukwekkende vertonings, terwyl bekendes soos Michael Cera, Jeremy Strong, Justin Kirk, ensovoorts ook in die fliek te sien is.

MOLLY’S GAME bevat die perfekte kombinasie van aksie, spanning en intrige om kykers vasgenael te hou en eindeloos te beïndruk. Deur middel van ’n slim saamgestelde draaiboek, knap regie en uitstaande toneelspel, leer jy vir Molly Bloom ken en word jou vooropgestelde idees, oor wie sy is, uit die weg geruim.

Dis ’n storie oor ’n sterk, ambisieuse vrou, wat dit reggekry het om ‘koningin’ te kraai in ’n manswêreld en oor die prys wat sy daarvoor moes betaal. Die fliek word versprei deur Ster-Kinekor Entertainment en sal landswyd vrygestel word op 12 Januarie 2018.

SOSIALEMEDIASKAKELS:
Facebook: https://www.facebook.com/pg/MollysGameMovie/
Twitter: @Mollys_Game
Instagram: @mollysgamemovie
Lokprent: https://www.youtube.com/watch?v=Vu4UPet8Nyc

Baie Dankie Starburst Promotions
#nasieinspirasie

Volg #NasieInspirasie
Facebook: NasieInspirasie/NationInspiration
Blog: www.nasieinspirasie.blogspot.com
Instagram: @nasieinspirasie
Twitter: @iskra

#NasieInspirasie se hart klop om sleepvoet-dromers te inspireer. Waardeer jou eie uniekheid, gebruik jou talente en natuurlike gawes. “‘n Klein vonk kan ‘n groot woud laat brand.”
#nasieinspirasie






Opmerkings

Gewilde plasings van hierdie blog

Joshua Na Die Reën & Liani Reynolds

    Liani Reynolds en Jacques van Joshua na die Reën

Joshua Na Die Reën het al ‘n huishoudelike naam geword in Suid Afrika en almal wat sy musiek hoor is gaande daaroor. Vir die rede was Affies Seunsskool, in Pretoria, se saal vol gepak met afwagting op sy nuutste album. Almal het uitgesien na sy gevoelvolle stem wat gemaklik hoog en dan weer laag deur jou hart sny met sy sielvolle lirieke. Jy kan sy musiek voel en jou hart kan dit verstaan. Ek dink dis hoekom so baie mense sy musiek geniet. Ons, ek en Lenetjie, was ook baie opgewonde om Liani Reynolds se album te beleef, veral vir dié wat haar unieke diep stem gehoor het op die Lugballon enkelsnit van Musiek soos Grond. Laat ek vir jou ‘n prentjie skets van die heerlike aand sodat jy kan voel asof jy ook daar was. Ek deel graag met julle my belewenis.


Voor die konsert het ons vinnig ‘n paar fotos geneem en geselsies aangeknoop met sangers, radio omroepers en Jacques se ma wat op kort kennis kaartjies verkoop het.


Melissa (NasieInspira…

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is!

So klein dingetjie met soveel praat in sy kneuse...daardie klippie in die skoen.
(Talk about rubbing me up the wrong way!)

Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap...

Ons veiligheid.
Ons kinders se toekoms, gesondheid. Hoe gaan jy hierdie maand daardie rekening betaal?
Jou huwelik of 'n vriendskap is dalk op 'n snaakse plek of selfs naby skipbreek?

Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met 'n ander o…

Noem My Skollie - Die Resensie

#NasieInspirasie
Fliekresensie: Noem My Skollie




Duur: 2.5 ure

Skrywer: John W. Fredericks

Regie: Daryne Joshua

Vervaardiger: David Max Brown

Klankbaan: Kyle Shepherd
(Geskik vir kykers vanaf 18jaar)

Kyk, dis die eerste fliek wat my binne my sitplek in die teater laat voel het ek is verseker nié veilig nie. Noem My Skollie is hard en onverskrokke, maar baie eg tot die werklikheid. Die feit dat die film gebaseer is op John W. Fredericks (die skrywer) se lewensverhaal, maak dit net meer roerend.

Na jy dié wêreld van daaglikse geweld en oorlewing op die Kaapse vlaktes en in Pollsmoor se tronk uitgebeeld gesien het, sal jy sukkel om weer op dieselfde, haai-shame-dis-darem-erg manier daar verby te ry. Gevolglik speel baie gebeure af in areas waar jy as kyker al self voetspore gelos het, en dít bring die film ook baie nader aan jou eie lewe.

AB, Gimba, Gif en Shorty is tipiese jong seuns wat in die 1960’s hul geluk uitprobeer in hul eie bende, Young Ones, totdat AB en Gimba deur die polisie gevang …