Slaan oor na hoofinhoud

Hennie Meyer Ceramics





Hennie Meyer is 'n keramiek kunstenaar van Kaapstad. Sy klei-kunswerke wek kalmte, nuuskierigheid en bewondering. 


1.Wanneer het jy jou passie om met klei/keramiek as medium te werk ontdek?
Ek is die jaar na matriek as Rotariër uitruilstudent na Australië. Dit was in 1984. Die skool in Australië het geweier om op daardie stadium ’n “wit” Suid Afrikaner in die skool in te neem. Die enigste tersiëre instansie wat bereid was om my te onderrig was die plaaslike technikon en ook net die kunsdepartement! So ek was baie gelukkig om heeltemal toevallig vir ’n jaar lank ’n diploma in keramiek te kon doen. Die medium het my perfek gepas. Ek het teruggekom en kunsonderwys op Stellenbosch studeer. Op Stellenbosch was ’n wonderlike dosent in keramiek, David Steele, wat my liefde vir klei verder aangemoedig en ontwikkel het.

2. Wat inspireer meeste van jou werk?

Die klei self is die sterkste inspirasie. Klei is ’n wonderlike medium. Wanneer ek met die klei werk is ek baie bewus van die proses. Hierdie proses open die deure na nuwe werk. Ek voel ook altyd geinspireer as ek in die teater of by die opera was.







3. Jou bekroonde werk is baie uniek en treffend en is ook by verskeie geleenthede oorsee uitgestal, het jy ooit gedink dat ‘n klein begin so vêr sou gaan?

Nee, glad nie. Ek vertel graag die storie dat keramiek nog nie vir my ’n nuwe motor kon koop nie, maar dit het my wel na die mees fantastiese en interessante plekke in die werêld geneem.

4. Leer jy ander om met keramiek te werk en hoe het dit jou persepsie oor mense en die kunste verryk?
Die laaste pos in my onderwysloopbaan was by die Tygerberg Kunssentrum as keramiekonderwyser. Ek het die kunsonderwys baie geniet. Vandag bied ek ook klasse vir volwassenes vanuit my ateljee in Durbanville aan. Dit is vir my heerlik en baie verrykend om klas te gee.

5. NasieInspirasie is ‘n groep vrywilligers wat graag ander wil inspireer om hulle talente en gawes te gebruik. Watter raad sou jy aan ‘n Sleepvoet-dromer gee, iemand met definitiewe talent maar dink dalk dat dit nie ‘genoeg’ is nie.
Ek glo aan die gesegde: Aanhouer wen. Ek het ’n kollega in die kunsonderwys gehad wat altyd gesê het dat dit nie altyd die beste kunstenaars is wat suksesvol is nie, maar eerder die wat aanhou. My raad sal dus wees om elke moontlike geleentheid aan te gryp, maak nie saak hoe klein of onbelangrik jy dink dit is nie. Gee altyd die beste waartoe jy op daardie oomblik toe in staat is. Daar is ook geen plaasvervanger vir ondervinding nie, en om te ondervind moet jy doen.

6. Gunsteling Quote wat op die oomblik baie vir jou beteken?

’n Gunsteling quote wat by die bogenoemde aansluit is van Mark Twain: The secret of getting ahead is getting started. Ook een van Socrates wat, ek hoe ouer ek word al meer besef, baie waar is: The only true wisdom is in knowing you know nothing.

Facebook: Hennie Meyer Ceramics
Instagram: henniemeyerceramics








Volg #NasieInspirasie
Facebook: NasieInspirasie/NationInspiration
Blog: www.nasieinspirasie.blogspot.com
Instagram: @nasieinspirasie
Twitter: @iskra

#NasieInspirasie se hart klop om sleepvoet-dromers te inspireer. Waardeer jou eie uniekheid, gebruik jou talente en natuurlike gawes. “‘n Klein vonk kan ‘n groot woud laat brand.”
#nasieinspirasie

Opmerkings

Gewilde plasings van hierdie blog

The Roar and I

As I sat down in front of my computer to write what is burning in my heart, with that loathsome cape of self-doubt hanging around my shoulders – what makes me think that I’m worthy of sharing my views with the world? – a randomly generated Windows Spotlight Image greets me. Yes, as you can see a mighty lion relaxing in the sun, face into the wind. Powerful and content. I couldn’t help but chuckle and you will soon see why.

The recently released film, The Roar, tells a powerful tale of Louise (Almarie du Preez), a young woman who has to make some important decisions about her future. Not only her future, her destiny. The viewers follow her journey of discovery in the setting of the bushveld family farm and lodge ran by her father, Ranger (Frans Cronjé), who struggles with finding his footing in life after the passing of his wife. Not to forget her fiancé, André (Heinz Winkler), who is not only a pillar of strength to Louise, but her comrade in the day-to-day running of the business as …

Die klippie in my skoen - geskryf deur iskra

Wat 'n knaende verraad! Daardie klippie in die skoen. Daardie ding wat krap en pla en mens soms verleë laat. Dis 'n pes as jy dalk jaag van hier na daar, soveel dinge wat aan jou trek; jou aandag vat; daar is nie tyd nie! Vir jou om net te kan sit, skoen uittrek en die verdomde ding uitgooi! Pfffeeeu...! Wat 'n verligting as hy eers weg is!

So klein dingetjie met soveel praat in sy kneuse...daardie klippie in die skoen.
(Talk about rubbing me up the wrong way!)

Ons het almal maar ons klippies. Klein goedjies wat haak en pla. Daagliks knaag dit aan ons..maal dit rond in ons koppe, laatnag, wannneer ons eintlik moet slaap...

Ons veiligheid.
Ons kinders se toekoms, gesondheid. Hoe gaan jy hierdie maand daardie rekening betaal?
Jou huwelik of 'n vriendskap is dalk op 'n snaakse plek of selfs naby skipbreek?

Dalk ons eie gesondheid wat 'n lelike rapport gekry het... 'n finale een...wat jou asem weggeruk het...wat jou, die mense om jou, dae en minute met 'n ander o…

Noem My Skollie - Die Resensie

#NasieInspirasie
Fliekresensie: Noem My Skollie




Duur: 2.5 ure

Skrywer: John W. Fredericks

Regie: Daryne Joshua

Vervaardiger: David Max Brown

Klankbaan: Kyle Shepherd
(Geskik vir kykers vanaf 18jaar)

Kyk, dis die eerste fliek wat my binne my sitplek in die teater laat voel het ek is verseker nié veilig nie. Noem My Skollie is hard en onverskrokke, maar baie eg tot die werklikheid. Die feit dat die film gebaseer is op John W. Fredericks (die skrywer) se lewensverhaal, maak dit net meer roerend.

Na jy dié wêreld van daaglikse geweld en oorlewing op die Kaapse vlaktes en in Pollsmoor se tronk uitgebeeld gesien het, sal jy sukkel om weer op dieselfde, haai-shame-dis-darem-erg manier daar verby te ry. Gevolglik speel baie gebeure af in areas waar jy as kyker al self voetspore gelos het, en dít bring die film ook baie nader aan jou eie lewe.

AB, Gimba, Gif en Shorty is tipiese jong seuns wat in die 1960’s hul geluk uitprobeer in hul eie bende, Young Ones, totdat AB en Gimba deur die polisie gevang …