Take a Hike - Tsitsikamma

Ons tema is FAMILIE! "If you want to change the world, go home and love your family." - Mother Theresa

So in die gees van familie en verhouding bou, stel ons graag 'n HIKE voor wat jy kan doen saam met 'n geliefde. Hier's ons vriend Hubri, en sy vrou Sunet wat die brawe uittog in die pragtige Tsitsikamma se Hiking-Trail aangepak het. Dis 'n 6-dag staproete (sowat 70km), 'not for the faint hearted'!

In Hubri se woorde:

Mens kan nie hierdie ervaring werklik vir mense beskryf nie, maar ek sal probeer. Dit hang af wat jy beplan vir jou Hike. Ons het die 70km gestap waar ons begin het by Nature's Valley en geeindig het by Stormsrivier. Daar gaan baie beplanning in die voorbereiding vir so stap, maar vir 'n beginner wat net 'n dag se Hike wil doen is waterpunte seker jou mees belangrikste en natuurlik 'n goeie paar skoene ook. Dit is goed om jou eie navorsing te doen i.v.m die roete wat jy graag wil stap.

Waarmee kon jy sonder lewe?

My selfoon, sosiale media, tv... ek dink tegnologie smokkel met 'n mens se kop en beïnvloed 'n mens. Daar is seker baie positiewe goed op sosiale media, maar daar is ook baie negatiewe goed wat jou negatief beïnvloed. Dinge wat ons sien en lees wat ons nie kan on-sien en on-lees nie. Ons het nog in daardie era grootgeword sonder al hierdie dinge en daaroor is ek bly. Ek voel half jammer en bang vir die jeug van vandag wat met al hierdie prentjies grootword van hoe die lewe is en hoe pragtig en 'great' alles is. Die lewe is nie regtig so nie. So dit is een ding wat ek verskriklik geniet het om uit my lewe uit te kry - 'n selfoon. Ons kon ook met baie minder kos oor die weg kom en 'n hele paar ander goed!

Dink jy ons is geheg aan goed i.p.v mense?

O ja, beslis. Mense het ons gevra voor ons gegaan het: hoekom sal jy dit aan jouself doen? Vir 6 dae lank minimale kos en alles wat jy nodig het, in 'n rugsak. Toe kom ek agter mense verstaan dit nie regtig nie en dit het my heelwat laat dink...
Jy kry so baie uit die ervaring; geestelike voeding, fisiese oefening en al daardie tipe van goed en spandeer ongelooflike kwaliteit tyd saam met die mense met wie jy dit aanpak. Ek en Sunet het alleen gegaan en daar was geen versteurings. In vroëer dae, in die begin van beskawing was dit in ruilhandel, bv; jy kon verf en ek kon bou en ons het uitgeruil so jy as mens was waardeer vir jou talente en wat jy kon bied en doen. Progressief het daardie dinge opgedroog en ons tyd het ons geld begin word. Ons sit in hierdie tydlose masjien waar daar glad nie oor jou ge'worry' word nie. 'n Plek wat net jou tyd wil hê en jou net genoeg geld gee sodat jy terug kom en so is jy 'pretty much stuck' in daardie sisteem. Wanneer jy op so 'n Hike gaan is jy vir daardie tydjie heeltemal uit die sisteem uit. Wat jy doen, jou inkomste, huis of kar - niks van daardie goed maak saak daar nie. Almal is net Hikers. Net jou menswees maak saak, jy het niks anders om op staat te maak nie. So Hike is 'n 'amazing' ervaring en amper 'surreal'. Dit was lekker ook om met ander stappers te gesels in so 'n natuurlike, organiese atmosfeer waar mens net kan vergeet van alle aardse dinge. Dit is 'n verskriklikke mooi staproete. - Hubri Bruyn

Hier volg so paar fotos van hulle ervaring:

Tsitsikamma Hike, Dag 1. Nature's Valley tot Kalander Beach Front Hut.